რუსეთის ქალაქ სტავროპოლში აფეთქების შედეგად ქალაქის მერის მოადგილე დაიღუპა, - ამის შესახებ ინფორმაციას რუსული მედია სტავროპოლის მხარის გუბერნატორზე, ვლადიმერ ვლადიმეროვზე დაყრდნობით ავრცელებს.

„ძვირფასო თანამემამულენო! მწუხარებით გაცნობებთ, რომ სტავროპოლში, ჩეხოვის ქუჩაზე ღამით, ინციდენტის შედეგად, ჩვენი გმირი, სპეციალური სამხედრო ოპერაციის ვეტერანი, ზაურ გურციევი დაიღუპა“, - წერს სტავროპოლის მხარის გუბერნატორი „ტელეგრამის“ არხზე.

რუსული მედიის ცნობით, უკრაინის წინააღმდეგ რუსეთის ომში მონაწილე გურციევი ხელყუმბარის აფეთქების შედეგად დაიღუპა.

„ყველა ვერსია განიხილება, მათ შორის უკრაინელი ნაცისტების მონაწილეობით ტერორისტული აქტის ორგანიზება“, - აღნიშნა სტავროპოლის მხარის გუბერნატორმა.

რუსული „ტელეგრამ“ არხების ინფორმაციით, გურციევი 2022 წელს უკრაინის ქალაქ მარიუპოლის აღების მიზნით რუსეთის საჰაერო ოპერაციებს ხელმძღვანელობდა.

ავტორი: ექსპრესნიუსი,

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა