Reuters-ის ინფორმაციით, ევროკავშირის წევრი სახელმწიფოების ფინანსთა მინისტრებმა სამხედრო აღჭურვილობის შესაძენად ერთიანი თავდაცვის ფონდის შექმნის თაობაზე მოლაპარაკებები დაიწყეს.

აღჭურვილობის გამოყენების სანაცვლოდ ფონდი წევრ ქვეყნებს გადასახადებს დააკისრებს, რაც საშუალებას მისცემს ევროკავშირს თავდაცვაზე მეტი დახარჯოს, ისე რომ ეროვნული ბიუჯეტები ზედმეტი ვალით არ დაიტვირთოს.

ფონდი, სახელწოდებით ევროპული თავდაცვის მექანიზმი (EDM), Bruegel-ის ანალიტიკური ცენტრის მიერ იყო შემოთავაზებული.

"ეს კარგია დასაწყისია დისკუსიისთვის". - განაცხადა პორტუგალიის ფინანსთა მინისტრმა, იოაკიმ მირანდა სარმენტომ.

მისი თქმით, განსახილველი ჯერ კიდე მრავალი საკითხია, მათ შორის ფონდის მანდატი და ფინანსური წყაროები. "არსებობს არაერთი ფინანსური, თუმცა ასევე სამხედრო ასპექტიც". - თქვა სარმენტომ.

Reuters-ის ინფორმაციით EDM-ის წევრები შესაძლოა ევროკავშირის ფარგლებს გარეთ მყოფი ქვეყნები, მათ შორის, გაერთიანებული სამეფო, უკრაინა ან ნორვეგიაც გახდნენ.

სააგენტო წერს, რომ ფონდს თავად ექნება საკუთრებაში შეძენილი აღჭურვილობა, ფინანსური ვალდებულებები კი თავად ფონდის ბალანსზე და არა ცალკეული სახელმწიფოების ბიუჯეტებში დარჩება.

ავტორი: ექსპრესნიუსი,

სოციალური ქსელები

აშშ-მ ამერიკული ხელოვნური ინტელექტის კოპირებისთვის ჩინეთისა და რუსეთის წინააღმდეგ სანქციების დაწესების განხილვა დაიწყო

აშშ-მ ირანისა და ირანის მხარდამჭერი გემების დევნა დაიწყო

ოცნება მცირე მეღვინეობებისთვის წესებს შეცვლის და ხარისხის კონტროლს გაამკაცრებს

პაპუაშვილი აბასთუმნის ცის დაკეტვაზე - რადიკალური ოპოზიცია ცდილობს, არ დაუშვან სამეცნიერო პოტენციალის ათვისება