სომხეთის თავდაცვის სამინისტრომ 9 აპრილს განაცხადა, რომ 9-10 აპრილს სომხეთი და ირანი საზღვრის გასწვრივ ერთობლივ სამხედრო წვრთნებს გამართავდნენ. როგორც Reuters წერს, ყოველივე ეს ირანის ბირთვული პროგრამის გარშემო შექმნილ დაძაბულობასა და სომხეთსა და აზერბაიჯანს შორის ურთიერთობების დაძაბვის ფონზე ხდება. 

სომხეთის თავდაცვის უწყების განცხადების შესაბამისად, სამხედრო წვრთნები, რომელიც 44-კილომეტრიანი საზღვრის გასწვრივ უნდა გამართულიყო, ამ დროისთვის დასრულებული უნდა იყოს. 

სამინისტროს განცხადებაში ასევე აღნიშნული იყო, რომ ორი ქვეყანა "სიმულაციური ტერორისტული დაჯგუფებების თავდაცვის" მოგერიებაზე ივარჯიშებდა. 

"ამ წვრთნების მიზანი, ორი ქვეყნის საზიარო ინტერესების საფუძველზე, საზღვრების უსაფრთხოების კონსოლიდირებაა". - Rueters-ის ცნობით, ციტირებდა ირანის სახელმწიფო მედია ირანის ისლამური რევოლუციის გუშაგთა კორპუსს (IRGC). 

სომხეთი, რომელიც ბოლო წლების განმავლობაში დასავლეთთან თანდათანობით უფრო დაახლოვდა, ახლო ურთიერთობებს უნარჩუნებს ირანთანაც, რომელსაც, თავის მხრივ, საკუთარ ბირთვულ ამბიციებთან დაკავშირებით დასავლურ ქვეყნებთან მნიშნველოვანი დაპირისპირება აქვს. 

მეზობელ თურქეთთან და აზერბაიჯანთან სომხეთს საზღვრები 3 ათწლეულზე მეტია, ჩაკეტილი აქვს, რამაც, როგორც Reuters წერს, მოსაზღვრე ირანს უდიდესი ეკონომიკური მნიშვნელობა მიანიჭა. 

გასულ თვეში სომხეთისა და აზერბაიჯანის ლიდერებმა განაცხადეს, რომ ქვეყნები კონფლიქტის დასასრულებლად სამშვიდობო ხელშეკრულების ტექსტის შესახებ შეთანხმდნენ, თუმცა ამის შემდეგ ორივე მხარემ საზღვრის გასწვრივ ცეცხლის გახსნა რამდენჯერმე დააბრალა ერთმანეთს. 

ავტორი: ექსპრესნიუსი,

სოციალური ქსელები

აშშ-მ ამერიკული ხელოვნური ინტელექტის კოპირებისთვის ჩინეთისა და რუსეთის წინააღმდეგ სანქციების დაწესების განხილვა დაიწყო

აშშ-მ ირანისა და ირანის მხარდამჭერი გემების დევნა დაიწყო

ოცნება მცირე მეღვინეობებისთვის წესებს შეცვლის და ხარისხის კონტროლს გაამკაცრებს

პაპუაშვილი აბასთუმნის ცის დაკეტვაზე - რადიკალური ოპოზიცია ცდილობს, არ დაუშვან სამეცნიერო პოტენციალის ათვისება