რუსეთის საგარეო საქმეთა სამინისტროს განცხადებით, მოსკოვი "უფლებას იტოვებს, სიმეტრიულად უპასუხოს" უკრაინის "განგრძობად" იერიშებს რუსულ ენერგოინფრასტრუქტურაზე. ამის შესახებ რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ ილაპარაკა. 

"ჩვენ ცხადად ვაფრთხილებთ, რომ თუ კიევის რეჟიმი გააგრძელებს თავის დესტრუქციულ ხაზს, რუსული მხარე იტოვებს უფლებას, რომ ამას პასუხი გასცეს, მათ შორის, სიმეტრიულად". - თქვა ზახაროვამ. 

ზახაროვამ ასევე დაამატა, რომ კიევი "კვლავაც ამჟღავნებს მოლაპარაკებების გამართვის სრულ უუნარობას" და "მშვიდობის მიღწევის სურვილის ნაკლებობას". 

ცნობისთვის, 18 მარტს რუსეთის პრეზიდენტ ვლადიმირ პუტინთან სატელეფონო საუბრისას დონალდ ტრამპი გამოვიდა წინადადებით, რომ კონფლიქტის მხარეებმა 30 დღით ორმხრივად შეიკავონ თავი ენერგო ინფრასტრუქტურაზე იერიშებისგან. 

თუმცა გუშინ, 21 მარტს რუსეთის კურსკის ოლქის ქალაქ სუჯაში არსებულ გაზის გამანაწილებელ სადგურზე აფეთქება მოხდა. 

რუსულმა მხარემ აფეთქების მოწყობაში უკრაინული მხარე დაადანაშაულა და განაცხადა, რომ კიევმა ენერგოინფრასტრუქტურაზე თავდასხმით დონალდ ტრამპის მიერ ინიცირებული შეთანხმება დაარღვია. 

უკრაინულმა მხარემ რუსეთის ბრალდებები უარყო და განაცხადა, რომ სადგური, პროვოკაციის მიზნით, არტილერიით თავად რუსულმა ძალებმა დაბომბა. 

"რუსები აგრძელებენ მრავალი სიყალბის წარმოებას და ცდილობენ, რომ საერთაშორისო საზოგადოება შეცდომაში შეიყვანონ". - ეწერა უკრაინის სამხედრო ძალების გენერალური შტაბის განცხადებაში. 

"რუსეთის მცდელობები, მოატყუოს ყველა და თავი მოაჩვენოს, რომ ისინი "ცეცხლის შეწყვეტის შეთანხმების პირობებს იცავენ", ვერ იმუშავებს, რადგან ბუნებრივი აირის სადგურზე დარტყმების შესახებ ყალბი ნიუსი არ იმუშავებს“. - თქვა უკრაინის პრეზიდენტის ადმინისტრაციის ხელმძღვანელმა ანდრეი ერმაკმა. 

თავად კრემლის პრესსპიკერმა დმიტრი პესკოვმა უკრაინული მხარის საპასუხოდ განაცხადა, რომ იდეა, რომ რუსეთი საკუთარ ენერგოინფრასტრუქტურას დაესხმებოდა თავს, "აბსურდი" იყო. 

ავტორი: ექსპრესნიუსი,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო