საქართველოს სტატისტიკის ეროვნული სამსახურის წინასწარი მონაცემებით, 2024 წელს რეალური შიდა პროდუქტი წინა წელთან შედარებით, 9.4%-ით გაიზარდა. მთლიანი შიდა პროდუქტის დეფლატორის პროცენტული ცვლილება 2024 წელს 3.8 პროცენტით განისაზღვრა.

2024 წელს მთლიანი შიდა პროდუქტის მოცულობამ მიმდინარე ფასებში, 91 891.8 მილიონი ლარი შეადგინა, რაც 13.6%-ით მეტია წინა წლის შესაბამის მაჩვენებელზე.

საქსტატის მონაცემებით, მთლიანი შიდა პროდუქტის დარგობრივ სტრუქტურაში ყველაზე დიდი წილით გამოირჩევა:

• საბითუმო და საცალო ვაჭრობა, ავტომობილების და მოტოციკლების რემონტი - 15.2%; უძრავ ქონებასთან დაკავშირებული საქმიანობები - 9.9%;
• დამამუშავებელი მრეწველობა - 9.3%;
• მშენებლობა - 8.4 %;
• სახელმწიფო მმართველობა და თავდაცვა; სავალდებულო სოციალური უსაფრთხოება - 7%;
• ინფორმაციისა და კომუნიკაცია - 6.4%;
• სოფლის სატყეო და თევზის მეურნეობა - 6.2%; ტრანსპორტი და დასაწყობება - 5.9%;
• განათლება - 5.7%;
• საფინანსო და სადაზღვევო საქმიანობები - 5.2%.

 2024 წელს წინა წლის შესაბამის პერიოდთან შედარებით ზრდის მიმართულებით მნიშვნელოვანი წვლილი შეიტანა შემდეგმა დარგებმა:

• ინფორმაცია და კომუნიკაცია - 24.3%;
• განათლება - 29.1%;
• სახელმწიფო მმართველობა და თავდაცვა; სავალდებულო სოციალური უსაფრთხოება - 17.9%;
• მშენებლობა - 14.2%;
• საბითუმო და საცალო ვაჭრობა; ავტომობილების და მოტოციკლების რემონტი - 6.7%;
• საფინანსო და სადაზღვევო საქმიანობები - 14.9%;

კლება აღინიშნა დარგში: ელექტროენერგიის, აირის, ორთქლის და კონდიცირებული ჰაერის მიწოდება - -8.3%.

ერთ სულზე მთლიანი შიდა პროდუქტის დინამიკა მიმდინარე ფასებში:

სტატისტიკის ეროვნული სამსახური ასევე აქვეყნებს მთლიანი შიდა პროდუქტის 2024 წლის IV კვარტლის წინასწარ მონაცემებს, რომლის მიხედვითაც, 2024 წლის მეოთხე კვარტალში წინა წლის შესაბამის პერიოდთან შედარებით რეალური მთლიანი შიდა პროდუქტი 8.3%-ით გაიზარდა. მთლიანი შიდა პროდუქტის დეფლატორის პროცენტული ცვლილება 2024 წლის IV კვარტალში 4%-ით განისაზღვრა.

2024 წლის მეოთხე კვარტალში, ზრდის მიმართულებით მნიშვნელოვანი წვლილი შეიტანა შემდეგმა დარგებმა:

• ინფორმაცია და კომუნიკაცია - 29.7%;
• განათლება - 36.2%; სახელმწიფო მმართველობა და თავდაცვა; სავალდებულო სოციალური უსაფრთხოება - 19.9 პროცენტი;
• ჯანდაცვა და სოციალური მომსახურება - 23.6%;
• ხელოვნება, გართობა და დასვენება - 14.9%;
• მშენებლობა - 7.4%;
• სოფლის, სატყეო და თევზის მეურნეობა - 9.4%;

კლება აღინიშნა შემდეგ დარგებში:

• უძრავ ქონებასთან დაკავშირებული საქმიანობები - -2.3%; საბითუმო და საცალო ვაჭრობა; ავტომობილების და მოტოციკლების რემონტი - -0.2%. 

მთლიანი შიდა პროდუქტის დარგობრივ სტრუქტურაში ყველაზე დიდი წილით გამოირჩევა:

ვაჭრობა - 15.5%;
უძრავ ქონებასთან დაკავშირებული საქმიანობები - 9.6%;
მშენებლობა - 9.4%;
დამამუშავებელი მრეწველობა - 9%;
სახელმწიფო მმართველობა - 7.1%;
ინფორმაცია და კომუნიკაცია - 6.7%; განათლება - 6.2%;
ტრანსპორტი და დასაწყობება - 6%;
სოფლის, სატყეო და თევზის მეურნეობა - 5.2%.

საქსტატის განცხადებით, დაზუსტებული მონაცემები 2025 წლის 14 ნოემბერს გამოქვეყნდება.

ავტორი: ექსპრესნიუსი,

სოციალური ქსელები

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი

ფინანსური განათლების სასერტიფიკატო კურსის ფარგლებში დაესწარი ლევან ფავლენიშვილის ლექციას - პროექტის მხარდამჭერი საქართველოს ბანკია

ბაზისბანკი და BSTDB საქართველოში მცირე და საშუალო ბიზნესის და მწვანე ინვესტიციების მხარდასაჭერად პარტნიორობას აფართოებენ

ოცნებამ პირველი მოსმენით მიიღო ცვლილებები "გრანტების შესახებ" კანონში