ფიზიოთერაპია თანამედროვე რეაბილიტაციის მნიშვნელოვანი ნაწილია. მან მნიშვნელოვანი განვითარება ჰპოვა გასული წლების განმავლობაში. დარგის ძირითადი მიზანია ფიზიკური ფუნქციისა და მობილურობის შენარჩუნება, აღდგენა და გაძლიერება,ტკივილის შემცირება და ცხოვრების საერთო ხარისხის გაუმჯობესება.

ფიზიოთერაპიის მეთოდები

 თანამედროვე ფიზიოთერაპია მოიცავს ტექნიკების ფართო სპექტრს, მასში კომბინირებულია როგორც ტრადიციული,ასევე უახლესი მკურნალობის მეთოდები. რამდენიმე ძირითადი მეთოდია:

1. მანუალური თერაპია- სახსრებისა და რბილი ქსოვილების მობილიზაციის პრაქტიკულ მეთოდია.
2. სამკურნალო ვარჯიშები - ფიზიოთერაპიის ძირითადი კომპონენტია და მიზნად ისახავს ძალის,მოქნილობის,წონასწორობისა და გამძლეობის გაუმჯობესებას.
3. ელექტროთერაპია -გამოიყენება ტკივილების შესამსუბუქებლად.
4. ჰიდროთერაპია - გულისხმობს წყალში შესრულებულ ვარჯიშებს. წყლის ბუნებრივი წინააღმდეგობის ძალა, ხელს უწყობს კუნთების გაძლიერებას დამატებითი წონის გამოყენების გარეშე.
5. სიცივისა და სიცხის თერაპია - გამოიყენება ტკივილის სამართავად,ანთების შესამცირებლად და შეხორცების ხელშეწყობისათვის. 

ფიზიოთერაპიის ძირითადი როლი რეაბილიტაციის პროცესში

1. ტკივილის მართვა

 თერაპევტები ტკივილის სამართავად იყენებენ ისეთ ტექნიკებს, როგორიცაა : დარტყმითტალღოვანი თერაპია, ელექტროთერაპია,ულტრაბგერითი თერაპია, სამკურნალო ვარჯიშები და სხვა.

1. მობილურობისა და ფუნქციის აღდგენა

   სხვადასხვა ვარჯიშებისა და თერაპიების მეშვეობით,ფიზიოთერაპია ეხმარება პაციენტებს აღიდგინონ დაზიანებული მიდამოს ფუნქციები პოსტოპერაციულ და ტრავმის შემდგომ პერიოდში.

1. დაზიანებების პრევენცია

  ფიზიოთერაპია ასწავლის პაციენტებს როგორ აიცილონ თავიდან მოსალოდნელი დაზიანებები.

1. ძალისა და კოორდინაციის გაუმჯობესება

  ძალისმიერი ვარჯიშები ხელს უწყობს კუნთების ძალის აღდგენას და კოორდინაციის გაუმჯობესებას. ეს განსაკუთრებით სასარგებლოა სპორტსმენებისთვის და ნევროლოგიური დაზიანებების მქონე პირთათვის.

1. გულ-სისხლძარღვთა სისტემის გაუმჯობესება

 ფიზიოთერაპია ,  გულ-სისხლძარღვთა სისტემის დაზიანების მქონე პაციენტებს სთავაზობს აერობული ვარჯიშებს. ვარჯიშის ეს ტიპი აძლიერებს გულ-სისხლძარღვთა სისტემას,აუმჯობესებს გამძლეობას და ხელს უწყობს უსაფრთხო დაბრუნებას ყოველდღიურ საქმიანობაში.

1. პოსტოპერაციული რეაბილიტაცია

  ფიზიოთერაპიის ჩატარება აუცილებელია ისეთი ქირურგიული პროცედურების შემდეგ,როგორიცაა სახსრის ჩანაცვლებითი ოპერაცია,ოპერაციები მყესებზე და ხერხემალზე. ფიზიოთერაპია ხელს უწყობს ოპერაციის შემდგომი ტკივილის,შეშუპებისა და შებოჭილობის შემცირებას.

1. ნევროლოგიური რეაბილიტაცია

  ნევროლოგიური პრობლემების მქონე პაციენტებისთვის (როგორიცაა ინსულტი, გაფანტული სკლეროზი,პარკინსონის დაავადება) ფიზიოთერაპია ფოკუსირებულია მოძრაობის,ბალანსის,კოორდინაციისა და ფუნქციური დამოუკიდებლობის აღდგენაზე.

1. ზოგადი კეთილდღეობის ხელშეწყობა

 ფიზიოთერაპია,აქტიური ცხოვრების წესის წახალისებით,კვებისა და ზოგადი ჯანმრთელობის შესახებ სწორი ინფორმაციის მიწოდებით,ხელს უწყობს საერთო კეთილდღეობის შენარჩუნებას. ეს ჰოლოსტიკური მიდგომა ეხმარება პაციენტებს სრულ გამოჯანმრთელებაში.

მდგომარეოებები,რომლის დროსაც საჭიროა ფიზიოთერაპიის გაკეთება

• ორთოპედიული დაზიანებები : მოტეხილობა, კუნთის დაჭიმულობა, ართრიტი, ქირურგიული ჩარევის შემდგომი რეაბილიტაცია და სხვა..
• ნევროლოგიური დარღვევები : ინსულტი, გაფანტული სკლეროზი, პარკინსონის დაავადება, ზურგის ტვინის ტრავმული დაზიანება და სხვა. 
• სპორტული დაზიანებები : მწვავე თუ ქრონიკული სპორტული დაზიანებები.
• ქრონიკული ტკივილი : წელისა და  კისრის ქრონიკული ტკივილი, ფიბრომიალგია და სხვა. 
• პედიატრიული მდგომარეობები : განვითარების დარღვევები, ცერებრალური დამბლა, პედიატრიული ორთოპედიული დაზიანებები და ა.შ.
• კარდიოპულმონალური დარღვევები : რესპირატორული და კარდიოლოგიური პრობლემები.
• გერიატრიული ზრუნვა : ხანდაზმულებს შეუძლიათ ისარგებლონ ფიზიოთერაპიით ბალანსთან, მობილურობასთან და ასაკთან დაკავშირებული სხვადასხვა პრობლემების მოსაგვარებლად.
• პრევენცია: ფიზიოთერაპია არ გამოიყენება მხოლოდ დაზიანებების სამართავად, მისი მეშვეობით შესაძლებელია დაზიანებათა პრევენცია და საერთო კეთილდღეობის შენარჩუნება.
• ქალთა ჯანმრთელობა : მენჯის ფსკერის დისფუნქცია, ორსულობასთან დაკავშირებული ზურგის ტკივილი, მშობიარობის შემდგომი რეაბილიტაცია და ა.შ.

ავტორი: R (რეკლამა),

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა