თბილისს მერს, კახა კალაძეს, რომელიც ამავდროულად არის პარტია „ქართული ოცნების“ გენერალური მდივანი, დედაქალაქის საქალაქო სამსახურებში რეორგანიზაციის დაწყება უნდა. როგორც საკრებულოს ოპოზიციონერი დეპუტატი საბა ბუაძე იუწყება, საკითხის კენჭისყრა ხვალ, 29 იანვარს, არის დაგეგმილი.

როგორც ოპოზიციონერი დეპუტატის მიერ გასაჯაროებული დოკუმენტებიდან ირკვევა, კახა კალაძემ ქონების მართვის სააგენტოში, არქიტექტურის სამსახურსა და ტრანსპორტის და ურბანული განვითარების სააგენტოში რეორგანიზაციის დასაწყებად ბრძანება 2024 წლის 31 დეკემბერს გამოსცა.

„ეს რეორგანიზაცია პოლიტიკური წმენდა რომ არის იმითაც დასტურდება, რომ არანაირი დასაბუთება და არგუმენტი თან არ ახლავს, მხოლოდ ერთი ფრაზა - „სისტემური და ეფექტიანი მმართველობის უზრუნველყოფის მიზნით“, - აცხადებს საბა ბუაძე, პარტია „ძლიერი საქართველოს“ წევრი.

თუ საკრებულო, რომლის უმრავლესობაშიც „ქართული ოცნებაა“, თბილისის მერს თანხმობას მისცემს, რეორგანიზაციის პროცესი 2025 წლის 1 თებერვლიდან უნდა დაიწყოს. რადიო თავისუფლებამ მერიის პრესსამსახურს ჰკითხა, რატომ იწყება რეორგანიზაცია და რამდენი ადამიანის შემცირება იგეგმება - პასუხის მიღების შემთხვევაში, ტექსტი განახლდება.

საქართველოში 2024 წლის 28 ნოემბრის შემდეგ არ წყდება პროევროპული აქციები ახალი არჩევნების ჩატარების მოთხოვნით, „ქართული ოცნება“კი დემონსტრაციების პარალელურად ამკაცრებს კანონებს - შეზღუდა გამოხატვის თავისუფლება, გაზარდა ჯარიმები და გაამარტივა საჯარო სამსახურებიდან თანამშრომლების გათავისუფლების პროცესი.

ავტორი: ექსპრესნიუსი,

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი