თბილისის საქალაქო სასამართლო 11 იანვარს, 10:00 საათზე, განიხილავს პარლამენტთან მიმდინარე საპროტესტო აქციების დროს ჯგუფური ძალადობის ორგანიზების ბრალდებით დაკავებული ზვიად ცეცხლაძისა და კიდევ 7 პირის საქმეს.

სასამართლო სხდომაზე იმსჯელებენ ბრალდებულებისთვის, მათ შორის ზვიად ცეცხლაძისთვის, ვეფხია კასრაძისთვის, ვასილ კაძელაშვილისთვის, გიორგი გორგაძისთვის, ირაკლი მიმინოშვილისთვის, ინსაფ ალიევისთვის, თორნიკე გოშაძისთვის და ნიკოლოზ ჯავახიშვილისთვის, შეფარდებული აღკვეთის ღონისძიების – პატიმრობის გადასინჯვაზე.

სამ ბრალდებულს – ზვიად ცეცხლაძეს, ვეფხია კასრაძესა და ვასილ კაძელაშვილს ჯგუფური ძალადობის ორგანიზებასა და ხელმძღვანელობას ედავებიან, რაც 6-დან 9 წლამდე თავისუფლების აღკვეთას ითვალისწინებს.

დანარჩენ ხუთ ბრალდებულს – გიორგი გორგაძეს, ირაკლი მიმინოშვილს, ინსაფ ალიევს, თორნიკე გოშაძეს და ნიკოლოზ ჯავახიშვილს ჯგუფურ ძალადობაში მონაწილეობა ედებათ ბრალად, რისთვისაც 4-დან 6 წლამდე თავისუფლების აღკვეთა განისაზღვრება.

საქმე ეხება პარლამენტთან მიმდინარე საპროტესტო აქციების დროს ჯგუფური ძალადობის ფაქტს, რომელზეც გამოძიება აქტიურად მიმდინარეობს.

ავტორი: ექსპრესნიუსი,

სოციალური ქსელები

აშშ-მ ამერიკული ხელოვნური ინტელექტის კოპირებისთვის ჩინეთისა და რუსეთის წინააღმდეგ სანქციების დაწესების განხილვა დაიწყო

აშშ-მ ირანისა და ირანის მხარდამჭერი გემების დევნა დაიწყო

ოცნება მცირე მეღვინეობებისთვის წესებს შეცვლის და ხარისხის კონტროლს გაამკაცრებს

პაპუაშვილი აბასთუმნის ცის დაკეტვაზე - რადიკალური ოპოზიცია ცდილობს, არ დაუშვან სამეცნიერო პოტენციალის ათვისება