გარემოს დაცვისა და სოფლის მეურნეობის მინისტრის მოადგილე სოლომონ პავლიაშვილი აჭარის ა/რ სოფლის მეურნეობის მინისტრის მოადგილე ირმა აფხაზავასთან ერთად, ქობულეთის მუნიციპალიტეტის სოფელ ხუცუბანში ერთ-ერთ უმსხვილეს თევზმომშენებელ მეურნეობაში Georgian Fish & Caviar-ში იმყოფებოდა, სადაც ადგილობრივ ფერმერებს შეხვდა. ამის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.

უწყების ცნობით, შეხვედრაზე თევზის წარმოებაში არსებულ გამოწვევები და აკვაკულტურის განვითარებისთვის ლაბორატორიული დიაგნოსტიკის მნიშვნელობის საკითხები განიხილეს.

“სახელმწიფო მზად არის ხელი შეუწყოს საქართველოში წარმოებულ თევზის საერთაშორისო ბაზარზე გატანას. აკვაკულტურის განვითარებისთვის ლაბორატორიული კომპონენტი განსაკუთრებით მნიშვნელოვანია. ადგილობრივმა ფერმერებმა აქტიურად უნდა ითანამშრომლონ ლაბორატორიასთან, რათა შექმნან ჯანსაღი ქართული პროდუქტი. რეგიონულ დონეზე არსებული ძლიერი თევზმომშენებელი ფერმების არსებობა კი ხელს უწყობს ჯანსაღი პროდუქტის წარმოებას“,- აღნიშნა პავლიაშვილმა.

შეხვედრას აჭარის სოფლის მეურნეობის სამინისტროს, ორგანული აკვაკულტურის განვითარების ასოციაციის “ფორეჯი“, სურსათის ეროვნული სააგენტოსა და სოფლის მეურნეობის სახელმწიფო ლაბორატორიის წარმომადგენლები ესწრებოდნენ.

ავტორი: NS (სტატია დაფინანსებულია),

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო