ხორვატიის პრემიერ-მინისტრი ანდრეი პლენკოვიჩი დაუგეგმავი ვიზიტით კიევში ჩავიდა. ამის შესახებ ინფორმაციას ინფორმაციას"უკრაინსკაია პრავდა" ავრცელებს.

მედიის ცნობით, პლენკოვიჩი კიევში უკრაინის პრეზიდენტს, ვოლოდიმირ ზელენსკის შეხვდა.

"პლენკოვიჩი მოგვიანებით შეხვდება უკრაინის პრემიერ-მინისტრ დენის შმიგალს, რადას თავმჯდომარე რუსლან სტეფანჩუკსა და სხვა უკრაინელ მაღალჩინოსნებს" - წერს მედია.

დელეგაციასთან ერთად ხორვატიის პრემიერ-მინისტრი მონაწილეობას მიიღებს "ყირიმის პლატფორმის" სხდომაში.

პლენკოვიჩთან ერთად, უკრაინაში იმყოფებიან ხორვატიის მეცნიერებისა და განათლების მინისტრი რადოვან ფუკსი; ადმინისტრაციის, იუსტიციისა და ციფრული ტრანსფორმაციის მინისტრი დამირ ჰაბიანი და საგარეო და ევროპულ საქმეთა მინისტრი გორდან გრლიჩ რადმანი.

შეგახსენებთ, დღეს, 11 სექტემბერს კიევში ამერიკის შეერთებული შტატების სახელმწიფო მდივანი ენტონი ბლინკენი და დიდი ბრიტანეთის  საგარეო საქმეთა მინისტრი დევიდ ლემიც ჩადიან. აგრეთვე, კიევში იმყოფებიან ლიეტუვის პრეზიდენტი გიტანას ნაუსედა და ლატვიის პრემიერ-მინისტრი ევიკა სილინა.

ავტორი: ექსპრესნიუსი,

სოციალური ქსელები

ბაზისბანკი და BSTDB საქართველოში მცირე და საშუალო ბიზნესის და მწვანე ინვესტიციების მხარდასაჭერად პარტნიორობას აფართოებენ

ოცნებამ პირველი მოსმენით მიიღო ცვლილებები "გრანტების შესახებ" კანონში

ევროპარლამენტმა და ევროსაბჭომ შავი ზღვის წყალქვეშა კაბელის პროექტს ორმხრივი ინტერესის პროექტის (PMI) სტატუსი მიანიჭა

ოპოზიციური ალიანსი: გალში მცხოვრებ ქართველებს მშობლიურ ენაზე სწავლა ეკრძალებათ და „ოცნების“ პარტია მათ არ იცავს