ახლა მნიშვნელოვანია, სამთავრობო ინსტიტუტები მაქსიმალურად აქტიურად მუშაობდნენ - უფრო აქტიურად, ვიდრე ადრე, - ამის შესახებ უკრაინის პრეზიდენტმა, ვოლოდიმირ ზელენსკიმ ყოველდღიურ ვიდეომიმართვაში განაცხადა.

ზელენსკის თქმით, გარკვეული შედეგების მოლოდინი აქვს უკრაინისთვის იარაღის უფრო აქტიური მიწოდების, ენერგეტიკის დაცვისა და განადგურებული ტერიტორიების აღდგენასთან დაკავშირებით.

"მთავრობაში ცვლილებები განხორციელდა. მადლობელი ვარ პარლამენტის, რომ მხარი დაუჭირა შესაბამის კანდიდატურებს. ძალიან მნიშვნელოვანია, რომ სამთავრობო ინსტიტუტები ახლა მაქსიმალურად აქტიურად მუშაობდნენ - უფრო აქტიურად, ვიდრე ადრე. ყველა დონეზე“, - განაცხადა ზელენსკიმ.

ამასთან, ზელენსკიმ რამდენიმე პრიორიტეტული მიმართულება გამოყო, მათ შორის მეტი ინვესტიციის მოპოვება პარტნიორებისგან თავდაცვით წარმოებაში, ასევე წინსვლა ევროკავშირში გაწევრიანებასთან დაკავშირებულ მოლაპარაკებების პროცესში.

შეგახსენებთ, 5 სექტემბრის სხდომაზე რადამ  უკრაინის საგარეო საქმეთა მინისტრის, დმიტრო კულებასა და ვიცე-პრემიერის, ირინა ვერეშჩუკის თანამდებობებიდან გათავისუფლებასაც დაუჭირა მხარი.

ავტორი: ექსპრესნიუსი,

სოციალური ქსელები

ბაზისბანკი და BSTDB საქართველოში მცირე და საშუალო ბიზნესის და მწვანე ინვესტიციების მხარდასაჭერად პარტნიორობას აფართოებენ

ოცნებამ პირველი მოსმენით მიიღო ცვლილებები "გრანტების შესახებ" კანონში

ევროპარლამენტმა და ევროსაბჭომ შავი ზღვის წყალქვეშა კაბელის პროექტს ორმხრივი ინტერესის პროექტის (PMI) სტატუსი მიანიჭა

ოპოზიციური ალიანსი: გალში მცხოვრებ ქართველებს მშობლიურ ენაზე სწავლა ეკრძალებათ და „ოცნების“ პარტია მათ არ იცავს