2021-01-05 12:08:24, 551 ნახვა

---

თამარ გაბუნია - 16 იანვრის შემდეგ შეზღუდვების შემსუბუქების შესახებ გადაწყვეტილება ჯერჯერობით ძალაში რჩება

„ჯერჯერობით ის სქემა, რომელიც დაანონსდა 16 იანვრის შემდეგ შეზღუდვების შემსუბუქების შესახებ, ძალაში რჩება“, - ამის შესახებ ჯანდაცვის მინისტრის მოადგილემ, თამარ გაბუნიამ განაცხადა.

მისივე თქმით, 16 იანვრიდან მოლების გახსნა დამოკიდებულია იმაზე, თუ როგორი იქნება ინფიცირების შემთხვევების მატება.

„ჯერჯერობით ის სქემა, რომელიც დაანონსდა 16-ის შემდეგ, შეზღუდვების შემსუბუქების შესახებ ძალაში რჩება, თუმცა ჩვენ უნდა გავიაროთ მანამდე ორი კვირა და ეს ორი კვირა იქნება მნიშვნელოვანი, რადგან გამოვლინდება თუკი 24 დეკემბრიდან 3 იანვრამდე შემსუბუქების პერიოდში გამოიწვია თუ არა მატება. თუ იგივე კრიტიკულ რაოდენობას მივაღწიეთ, რა თქმა უნდა, საბჭო დამატებით იმსჯელებს მექანიზმებზე, რომელიც 16 იანვრის შემდეგ უნდა გამოვიყენოთ“, - განაცხადა გაბუნია.

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი