დაავადებათა კონტროლის ეროვნული ცენტრის ხელმძღვანელის ამირან გამყრელიძის განცხადებით, ლილოს ბაზრობაზე დასაქმებულების კორონავირუსზე ტესტირება დასრულდა.

მისი ინფორმაციით, გამოკვლეული 4 731 ადამიანიდან, კორონავირუსი მხოლოდ 6-ს დაუდასტურდა.

„ლილოს ბაზრობაზე კორონავირუსი მხოლოდ პირველ ორ დღეში გამოვლინდა, შემდეგ ინფიცირების შემთხვევები აღარ გვქონია. ამ 6-თან კონტაქტირებული, ლილოსთან კვეთა ვისაც ჰქონდა, სულ არის 13 ადამიანი. ადრე ეს იყო ერთი ოჯახური შემთხვევა, რომელიც უკავშირდება მე-16 გარდაცვლილ ავადმყოფს“,- განაცხადა ამირან გამყრელიძემ,

ამასთანავე, ამირან გამყრელიძის თქმით, დასაქმებულები გამოიკვლიეს დინამოს და ელიავას ბაზრობებზეც და გამოკვლეულებიდან, კოვიდ19 არავის დაუდასტურდა.

„დინამოზე 487 ადამიანს ჩაუტარდა კვლევა, აქედან ინფიცირების არცერთი შემთხვევა არ დაფიქსირებულა. ელიავას ბაზრობაზე 436 ადამიანი გამოვიკვლიეთ, პირველი ორი დღის შედეგები იყო უარყოფით, მესამე დღის შედეგები დღეს იქნება ცნობილი, იმედი გვაქვს, ეს ბაზრობა იქნება ეპიდკეთილსაიმედო“,- აღნიშნა ამირან გამყრელიძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

აშშ-მ კუბასთან საიდუმლო მოლაპარაკებები გამართა, ბოლო 10 წლის განმავლობაში პირველად

ირანი უარყოფს ტრამპის განცხადებას გამდიდრებული ურანის აშშ-ში გადაცემაზე დათანხმების შესახებ

გვარამია:ავტორიტარმა უნდა მიიღოს რისიც ეშინია, ამიტომ, 26 მაისს ყველანი რუსთაველზე

სანიკიძე: ცოტნე მამაშენია ის მოძალადე, რომელსაც უნდა გაემიჯნო