აშშ-ში, ბოლო 24 საათის განმავლობაში, კორონავირუსის 47,000-ზე მატი ახალი შემთხვევა გამოვლინდა.

ამის შესახებ „როიტერი“ წერს.

სააგენტოს ცნობით, პანდემიის დაწყების დღიდან ეს ყველაზე დიდი ყოველდღიური მაჩვენებელია. ექსპერტები არ გამორიცხავენ, რომ ეს რიცხვი შესაძლოა, გაორმაგდეს.

ამჟამად, აშშ-ში პანდემიის ახალ ეპიცენტრებს კალიფორნიის, ტეხასისა და არიზონის შტატები წარმოადგენს, სადაც კორონავირუსის შემთხვევების რეკორდული ზრდა ფიქსირდება.

„აშკარაა, რომ ჩვენ ახლა არ ვართ კონტროლირებად სიტუაციაში“, - ასე განუცხადა აშშ-ს სენატის კომიტეტს ალერგიისა და ინფექციური დაავადებების ეროვნული ინსტიტუტის ხელმძღვანელმა, დოქტორმა ენტონი ფაუჩიმ.

„შეწუხებული ვარ, რადგან ეს შეიძლება ძალიან ცუდი იყოს“,- ამბობს ის.

ფაუჩის თქმით, კორონავირუსის ახალ შემთხვევათა რაოდენობის ზრდამ ყოველდღიურად  შესაძლოა, 100,000-ს მიაღწიოს.

აშშ კორონავირუსით ინფიცირებულთა და გარდაცვლილთა რიცხვით მსოფლიოში პირველ ადგილზეა. COVID-19-ს ქვეყანაში 130 ათასზე მეტი ადამიანი ემსხვერპლა.

ავტორი: ექსპრესნიუსი,

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი