საქართველოს თავდაცვის მინისტრის მოადგილე ანა დოლიძე და შეიარაღებული ძალების გენერალური შტაბის J-5/9 სტრატეგიული დაგეგმვის, სამხედრო პოლიტიკისა და სამხედრო-სამოქალაქო თანამშრომლობის დეპარტამენტის უფროსი, პოლკოვნიკი მამუკა შიუკაშვილი ევროკავშირის ექსპერტებს შეხვდნენ.

თავდაცვის სამინისტროს ინფორმაციით, ევროკავშირის ექსპერტები საქართველოში კვლევას კონკრეტული პროექტის ფარგლებში ატარებენ, რომელსაც „მაღალი რანგის სწავლებები აღმოსავლეთ პარტნიორობის აქტივობების მხარდასაჭერად“ ჰქვია და ევროკავშირის თავდაცვისა და უსაფრთხოების პოლიტიკის (CSDP) მიმართულებით საქართველოსა და მოლდოვას გაძლიერებას გულისხმობს. 

მათივე ცნობით, აღნიშნული კვლევის მიზანია, ხელი შეუწყოს ევროკავშირის მისიებში მონაწილეობისთვის საქართველოს მომზადებას და ჩართულობას.

ევროკავშირის ექსპერტებთან შეხვედრას თავდაცვის სამინისტროს სტრუქტურული ერთეულების ხელმძღვანელებიც დაესწრნენ.

შეხვედრისას დელეგაციის წევრებმა ევროკავშირის თავდაცვისა და უსაფრთხოების პოლიტიკაში თავდაცვის სამინისტროს როლზე დაწვრილებითი ინფორმაცია მიიღეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

9 აპრილის მემორიალთან დაკავებულ მოქალაქეს 10-დღიანი პატიმრობა შეეფარდა

ზაზა ფაჩულია რაჭაში სადმელი ჰესს ააშენებს

მეუფე იობი: ღმერთმა ინებოს, მომავალი პატრიარქის და მეფის ღვაწლით, გამოვიდეთ ამ ჭაობიდან

მერია: 12 აპრილს მეტრო 04:00 საათამდე იმუშავებს, 23:00 საათიდან მგზავრობა უფასო იქნება