ახალმა საზოგადოებრივმა ტრანსპორტმა ბათუმი-შუახევის მიმართულებით პირველი რეისი შეასრულა. ამის შესახებ ინფორმაციას შუახევის მუნიციპალიტეტის მერია ავრცელებს.

მერიის ცნობით, მოსახლეობას ახალი საზოგადოებრივი ტრანსპორტი შეღავათიანი ტარიფით მოემსახურება.

"ახალი თანამედროვე სტანდარტებით აღჭურვილი და შშმ პირებისათვის ადაპტირებული საზოგადოებრივი ტრანსპორტი ბათუმი-შუახევის მიმართულებით ყოველდღე იმოძრავებს შემდეგი განრიგით: ბათუმი-შუახევი 07:30 სთ; შუახევი-ბათუმი 18:00 სთ.

მგზავრობის ტარიფი სტანდარტული 4 ლარი იქნება, ხოლო შშმ პირები, ომის ვეტერანები და მათთან გათანაბრებული პირები, საქართველოს ტერიტორიული მთლიანობისათვის ბრძოლაში უგზო-უკვლოდ დაკარგული პირის მეუღლე და შვილები, სტუდენტები და 6 წლამდე ბავშვები უფასოდ იმგზავრებენ.

ავტობუსი გასვლის ადგილი: შუახევი-ზამლეთის (ელვაური) მიმდებარე ტერიტორია; 
ბათუმი-ბონის კულტურის სახლის მიმდებარე ტერიტორია.

ახალი, EURO 5-ი სტანდარტის შესაბამისი ავტობუსი, საქართველოს მთავრობის მხარდაჭერით და აჭარის ა.რ. ბიუჯეტიდან მიღებული კაპიტალური ტრანსფერის ფარგლებში დაფინანსდა",- ნათქვამია მერიის ინფორმაციაში.

ავტორი: NS (სტატია დაფინანსებულია),

სოციალური ქსელები

NASA-ს ასტრონავტები დედამიწაზე 50 წელზე მეტი ხნის შემდეგ მთვარის ზედაპირზე პირველი დაშვების შემდეგ დაბრუნდნენ

უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა