11-12 ივნისის ღამეს, ძლიერმა წვიმამ, სეტყვამ და ღვარცოფმა,  საქართველოს რამდენიმე რეგიონს ზიანი მიაყენა.

ძლიერმა სეტყვამ და წვიმამ  შიდა საუბნო გზები,  სასოფლო სამეურნეო სავარგულები და საკარმიდამო ნაკვეთები დააზიანა  ბორჯომის მუნიციპალიტეტის რიგ სოფლებში, ახალციხის მუნიციპალიტეტის  სოფლებში: ტატანისი, კლდე, წნისი, წინუბანი, გურკელი, აწყური, გიორგიწმინდა და მუგარეთი; ლენტეხის მუნიციპალიტეტის სოფლებში:  სასაში, ლუჯი, ჯახუნდერი , ლემზაგირი; კასპის მუნიციპალიტეტის სოფლებში: დოესი, მეტეხი, თელიანი და ქვემო ჭალა.

გორის მუნიციპალიტეტის სოფელ სკრაში  ადიდდა მდინარე სკრა. ადიდებული მდინარე  ნაპირებიდან გადმოვიდა, დატბორა მოსახლეობის საკარმიდამო ნაკვეთები და საფრთხეს უქმნიდა დასახლებას. ადგილზე დაუყოვნებლივ იქნა მობილიზებული მუნიციპალიტეტის შესაბამისი  სამსახურები და დროულად მოხდა ზომების გატარება სტიქიის მძიმე შედეგების თავიდან ასაცილებლად. 

სტიქიამ შიდასახელმწიფოებრივ გზებზე გადაადგილებასაც შეუქმნა  საფრთხე. ძლიერი წვიმის შედეგად ჩამოტანილმა ქვაღორღმა სოფელ აწყურთან ჩახერგა თბილისი-ხაშური-ახალციხის ავტომაგისტრალი, რის გამოც შეფერხდა გადაადგილება.

გორის მუნიციპალიტეტში სტიქიამ განსაკუთრებული ზარალი ატენის ხეობას მიაყენა. ძლიერმა წვიმამ და სეტყვამ ხეობაში გამავალ შიდასახელმწიფოებრივ გზის სავალ ნაწილზე  ჩამოიტანა ნაშალი. 

სტიქიის აღნიშნულ მონაკვეთებზე,  საავტომობილო გზების დეპარტამენტის შესაბამისი სამსახურების მიერ ოპერატიულად ჩატარებული სამუშაოების შედეგად გზები უკვე გაწმენდილია და მოძრაობა აღდგენილია.   

ამ ეტაპზე, სტიქიის ადგილებზე შექმნილია მუნიციპალიტეტების  ზარალის დამთვლელი კომისიები და მობილიზებული არიან რეგიონული განვითარებისა და ინფრასტრუქტურის სამინისტროს შესაბამისი სამსახურები. ამჟამად მიმდინარეობს ზარალის დათვლა და სტიქიის სალიკვიდაციო სამუშაოები. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბოჭორიშვილი უარყოფს, რომ მიღებული კანონების გამო პროექტები გაუქმდა ან შეჩერდა

სანქცირებული, პროსახელისუფლებო „იმედის“ იურიდიული სამსახურის უფროსი, კომუნიკაციების კომისიის წევრი გახდა

ივანიშვილის პარლამენტმა ე.წ გრანტების შესახებ კანონში ცვლილებას მხარი დაუჭირა

საქართველოს ბანკის მხარდაჭერით, “ბაზარი ორბელიანზე” მეწარმე ქალების პროდუქციის გამოფენა-გაყიდვა გაიმართება