შატილიდან 25 კმ–ში მეწყერი ჩამოწვა

2015-06-02 18:33:56, 415 ნახვა

საზოგადოება

შატილიდან 25 კილომეტრში, დაუსახლებელ პუნქტში მეწყერი ჩამოწვა.
როგორც შინაგან საქმეთა სამინისტროს პრესსამსახურის უფროსი ნინო გიორგობიანი „ფეისბუქის“ საკუთარ გვერდზე წერს, ამ დროისთვის არსებული ინფორმაციით, ერთი პირი, სავარაუდოდ მწყემსია დაკარგული.

„შატილიდან 25 კმ-ში, დაუსახლებელი პუნქტში მეწყერი ჩამოწვა. შსს-ს საგანგებო სიტუაციების მართვის თანამშრომლები დაუყონებლივ ჩავიდნენ იმ ადგილზე,სადაც ვერტმფრენის დაშვება იყო შესაძლებელი. აღნიშნული წერტილიდან კი 15 კმ მანძილი ფეხით გაიარეს, თუმცა სამაშველო ოპერაციის დაწყებისთვის საჭირო ტექნიკის მიყვანა, რთული რელიეფის გამო, შეუძლებელი აღმოჩნდა. ამ დროისთვის არსებული ინფორმაციით ერთი პირი, სავარაუდოდ მწყემსი, არის დაკარგული“, – წერს გიორგობიანი.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან