2025-10-05 15:18:04, 1232 ნახვა

---

გახარიას პარტიამ თბილისში, „გირჩზე“ და „ალტ-ინფოს“ პარტია „კონსერვატორებზე“ ნაკლები ხმა მიიღო

 გიორგი გახარიას პარტიამ „საქართველოსთვის“, რომელიც 2021 წლის მუნიციპალურ არჩევნებზე მესამე ადგილზე გავიდა, 2025 წლის არჩევნებზე, თბილისში, „გირჩზე“ და „ალტ-ინფოს“ პარტია „კონსერვატორებზე“ ნაკლები ხმა მიიღო. 

არჩევნების პროპორციული შედეგების მიხედვით, დედაქალაქში ხმების 70% (211 814) მიიღო „ქართულმა ოცნებამ“, 10%-მდე (30 050 ხმა) — „ძლიერმა საქართველომ“. 7.7%-ით (23 275 ხმა)  მესამე ადგილზე გავიდა „გირჩი“. 13 025 ხმა (4.3%) მიიღეს „კონსერვატორებმა საქართველოსთვის“, რომელსაც 3.2%-ით (9 673 ხმა) მოსდევს „გახარია — საქართველოსთვის“. 

 თუმცა, ქვეყნის მასშტაბით პროპორციულ არჩევნებში გახარიას პარტიამ, „ქართული ოცნებისა“ და „ძლიერი საქართველო — ლელოს“ შემდეგ, მესამე საუკეთესო შედეგი აჩვენა 49 815 ხმით (3.684 %).

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი