ტერორისტულ ორგანიზაციაში გაერთიანებისა და საქართველოდან ახალგაზრდების სირიაში საბრძოლველად წაყვანის ბრალდებით დაკავებული აიუფ ბორჩაშვილს 14 წლით თავისუფლების აღკვეთა მიესაჯა. მოსამართლემ განაჩენი  საქმეზე ცოტა ხნის წინ გამოაცხადა.

ასევე განაჩენი გამოცხადდა  ტერორისტულ ორგანიზაციაში გაერთიანების ბრალდებით დაკავებული სამი პირის მიმართაც. გიორგი ხუტუნიშვილს 11 წლით პატიმრობა შეეფარდა, დავით ფილისებიას  კი 10 წლიანი პატიმრობა განესაზღვრა.

 როგორც ცნობილია, კიდევ ერთ ბრალდებულ გიორგი კუპრავას  საპროცესო შეთანხმება გაუფორმდება, რაც ერთი წლით თავისუფლების აღკვეთას ითვალისწინებს.

გამოძიების ინფორმაციით, აიუფ ბორჩაშვილი არის სირია-ერაყის ტერიტორიაზე მოქმედი ტერორისტული ორგანიზაცია „ისლამური სახელმწიფოს“ წარმომადგენელი საქართველოში. იგი ტერორისტულ ორგანიზაციაში გაწევრიანების მიზნით მოქალაქეების გადაბირებას ახდენდა და შემდგომში საომარ მოქმედებებში მონაწილეობის მისაღებად, მათ სირიაში გამგზავრებას უზრუნველყოფდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი