სოფლების - ქვედა აქუცისა და ვაიოს დამაკავშირებელი საავტომობილო გზის მშენებლობა დასკვნით ეტაპზეა,- ამის შესახებ ინფორმაციას ქედის მუნიციპალიტეტის მერია ავრცელებს.

მერიის ცნობით, დღეს, მუნიციპალიტეტის მერმა როლანდ ბერიძემ, მოადგილე იმედა ვასაძესთან, ინფრასტრუქტურის სამსახურის უფროს გენადი ანანიძესთან, ადმინისტრაციული ერთეულის წარმომადგენელ ნაზიმ ჩხეიძესა და მაჟორითარ ვაჟა აბულაძესთან ერთად, ქვედა აქუცისა და ვაიოს დამაკავშირებელი საავტომობილო გზის სამშენებლო სამუშაოები მოინახულა. 

"აღნიშნული პროექტი მასშტაბურია, სოფელს საავტომობილო გზა დღემდე არ ჰქონია. პროექტის ფარგლებში მოეწყო: რკინა-ბეტონის კიუვეტი ცხაურით, გაბიონი და ბეტონის საყრდენი კედლები, წყალგამტარი მილები, ასევე ლითონის ხიდი.

მშენებლობა დასკვნით ეტაპზეა, მიმდინარეობს დამცავი ზღუდარების მოწყობა, რომელიც უახლოეს პერიოდში დასრულდება.  

კეთილმოწყობილი 1 080-მეტრიანი საავტომობილო გზით სამი სოფლის 200-მდე ოჯახი ისარგებლებს.

სამუშაოებს შპს "ბონდი 2009" ახორციელებს, რომლის ბიუჯეტი 1 341 333 ლარს შეადგენს",- ნათქვამია მერიის ინფორმაციაში.

ავტორი: NS (სტატია დაფინანსებულია),

სოციალური ქსელები

NASA-ს ასტრონავტები დედამიწაზე 50 წელზე მეტი ხნის შემდეგ მთვარის ზედაპირზე პირველი დაშვების შემდეგ დაბრუნდნენ

უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა