იუსტიციის უმაღლესი სკოლა ხვალ, 11:30 საათზე, მართლმსაჯულების სახლში,  ახალი ვებგვერდისა და სასწავლო პორტალის პრეზენტაციას გამართავს. 

სასწავლო პორტალების სისტემის საშუალებით, იუსტიციის უმაღლესი სკოლის სამიზნე ჯგუფის ყველა წარმომადგენელს (სამოსამართლო კანდიდატები, მოსამართლეები, თანაშემწეები და სხვა) პირადი ვებგვერდი ექნება, რომლის საშუალებითაც ისინი საკუთარი სასწავლო პროცესების მართვას თავად შეძლებენ.

მაგალითისთვის: სასწავლო პორტალების მეშვეობით, ონლაინ რეჟიმში სამოსამართლო კანდიდატის (იუსტიციის მსმენელის) მიერ დავალებების მიღება, შესრულება და მათი შეფასება მოხდება; სტაჟირების პროცესის შეფასება ონლაინ რეჟიმში განხორციელდება. ვებ-პორტალის ამუშავების შემდგომ, სკოლას ასევე საშუალება ექნება განახორციელოს გამოცდების როგორც ჩატარება, ასევე, შეფასება ელექტრონული ფორმით.

იუსტიციის უმაღლესი სკოლის ახალი ვებგვერდი, ინფორმაციული თვალსაზრისით, მაქსიმალურად იქნება მორგებული  საზოგადოების ინტერესებზე, რაც უწყებას საშუალებას მისცემს,  სკოლაში მიმდინარე პროცესების შესახებ ინფორმაცია საზოგადოებას მიაწოდოს პროაქტიულ რეჟიმში. 

პროექტი განხორციელდა „მართლმსაჯულების დამოუკიდებლობისა და სამართლებრივი გაძლიერების“ პროექტის ფარგლებში, ამერიკის შეერთებული შტატების საერთაშორისო განვითარების სააგენტოს (USAID) მხარდაჭერით.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Z-ბლოგერებმა გაავრცელეს ინფორმაცია მოსკოვში გამარჯვების დღის აღლუმის შესაძლო გაუქმების შესახებ ახალი უკრაინული რაკეტების გამო

კობახიძე: მივესალმებით აშშ-სა და ირანს შორის ცეცხლის შეწყვეტის შეთანხმებას

რას ამბობს სტრასბურგის სასამართლო აფგან სადიგოვის საქართველოდან გაძევებაზე

გიგა ავალიანის მკვლელობისთვის 2 არასრულწლოვანს 10.6 წლით, 1-ს 6.9 წლით პატიმრობა მიუსაჯეს