საქართველოს ნაკრები შვედეთთან დამარცხდა

2021-03-26 01:42:33, 2013 ნახვა

სპორტი

საქართველოს ნაკრები შვედეთის ნაკრებთან მინიმალური ანგარიშით, 1:0 დამარცხდა.

მატჩის პირველი ნახევარი საკმაოდ საინტერესო გამოდგა, პირველივე წუთებშივე „ჯვაროსნები“ კონტრშეტევაზე წავიდნენ, ქვილითაიამ საჯარიმოში შესვლის შემდეგ კარში დაარტყა, თუმცა მეკარემ მოიგერია.

ამის შემდეგ შვედებმა შეგვიტიეს და ორი მომენტიც შექმნეს, თუმცა ლორიამ ორივეჯერ იხსნა გუნდი გაშვებულ გოლს.

მატჩის 35-ე წუთზე ზლატან იბრაჰიმოვიჩის კარგი პასით საჯარიმოში შვედეთის ნაკრებმა ანგარიში გახსნა.

მატჩის 82 -ე წუთამდე თამაშის ტემპი დავარდა, 82-ე წუთზე საქართველოს ნაკრებმა შეუტია, ჯერ ბერიძის კარგი გარღვევა ფლანგზე, შემდეგ კი შენგელიას დარტყმა, რომელიც მეკარემ მოიგერია.

ქართველებს მეტი მომენტი აღარ ჰქონდათ, მატჩის უმეტეს ნაწილში შვედები ფლობდნენ ბურთს და ცდილობდნენ შეტევებს, თუმცა დაცვაში კარგად თამაშობდა საქართველოს ნაკრები.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,