ბოჭორიშვილის კლინიკაში კოვიდ19-ით ინფიცირებული ოთხი პაციენტი მოათავსეს

2020-04-29 10:27:29, 3733 ნახვა

ომი უკრაინაში

ბოჭორიშვილის კლინიკის სამეთვალყურეო საბჭოს ხელმძღვანელის, მაკა სოლოღაშვილის განცხადებით, მათ კლინიკაში კოვიდ19-ით ინფიცირებული 4 პაციენტი მოათავსეს.

მისივე თქმით, ოთხივეს ინფიცირების წყარო ცნობილია.

„ბოჭორიშვილის კლინიკის ბოქსირებულ სექტორში მკურნალობს 69 პაციენტი. აქედან კოვიდ19-ის დადასტურებული დიაგნოზით არის 59. გუშინ ერთი პაციენტი გამოჯანმრთელდა და გაეწერა.

დაგვემატა 4 ახალი პაციენტი.

კლასტერი ცნობილია, ორი გადმოყვანილია თეთრიწყაროდან, ორიც თბილისიდან ცნობილი კლასტერია.

ახალ ინფიცირებულთა შორის დედა-შვილია. მათი ჯანმრთელობის მდგომარეობა დამაკმაყოფილებელია. დედა მკურნალობდა და ბავშვს რომ დაუდასტურდა, შემოვიდა ჩვენს კლინიკაში და მოხდა მათი ერთად მოთავსება“, - განაცხადა მაკა სოლოღაშვილმა.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან