სასჯელაღსრულებისა სამინისტროს საგამოძიებო დეპარტამენტმა ორი პირი დააკავა

2015-08-10 15:00:50, 631 ნახვა

სამართალი

სასჯელაღსრულებისა და პრობაციის საგამოძიებო დეპარტანმენტმა ორი პირი დააკავა.
როგორც სამინისტროს მიერ გავრცელებულ განცხადებაშია ნათქვამი, 2015 წლის 2 აგვისტოს, დაახლოებით 04:30 საათზე, ზ.მ. და გ.მ, თ.დ-ს მფლობელობაში არსებული ავტომანქანით მივიდნენ ქ. რუსთავში, პენიტენციური დეპარტამენტის N17 დაწესებულების მიმდებარე ტერიტორიაზე, ამავე დაწესებულებაში მოთავსებული პირისათვის აკრძალული საგნების გადაცემის მიზნით. გ.მ. და ზ.მ. მიუახლოვდნენ დაწესებულების გარე ამკრძალავ კედელს, რა დროსაც ორივე მათგანმა, თავისუფლების აღკვეთის დაწესებულებაში მოთავსებული პირისათვის გადაცემის მიზნით, დაწესებულების ტერიტორიისკენ ისროლა ორი ფუთა, რომელშიც მოთავსებული იყო აკრძალული საგნები - ხუთი ცალი მობილური ტელეფონი, ექვსი ცალი სიმ ბარათი, ტელეფონის დამტენები და ყურსასმენები, ორივე ფუთა დავარდა დაწესებულების ტერიტორიაზე, რაც შემდგომში ამოღებული იქნა შემთხვევის ადგილის დათვალიერების დროს.
გამოძიება საქართველოს სისხლის სამართლის კოდექსის 19-3781-ე მუხლის მეორე ნაწილის „გ“ ქვეპუნქტით მიმდინარეობს, რომელიც აკრძალული საგნების გადაცემას გულისხმობს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან