"თელასის“ სატარიფო განაცხადზე საჯარო-ადმინისტრაციულ წარმოებას ენერგეტიკისა და წყალმომარაგების მარეგულირებელი ეროვნული კომისია დაახლოებით სამ დღეში დაიწყებს.

როგორც „ექსპრესნიუსს“ სემეკში განუცხადეს, კომპანიამ ტარიფის კორექტირება მოითხოვა, ხოლო რა ოდენობით შესაძლოა რომ ტარიფი გაიზარდოს, ამას შესაბამისი დეპარტამენტი ყველა კომპონენტის დათვლის შემდეგ დაადგენს.

„მოხდება განაცხადის შესწავლა, რამდენად სწორად არის წარმოდგენილი ყველაფერი. დაახლოებით სამ დღეში დავიწყებთ წარმოებას. კომპანიამ კორექტირება მოითხოვა, ყველა კომპონენტი უნდა დაითვალოს და ამის შემდეგ მივიღებთ საბოლოო გადაწყვეტილებას, რომელსაც სხდომაზე წარვადგენთ“, - აცხადებენ სემეკში.

შეგახსენებთ, "თელასმა" ენერგეტიკისა და წყალმომარაგების მარეგულირებელ ეროვნულ კომისიას სატარიფო განაცხადით გუშინ მიმართა. კომპანია სატარიფო განაცხადის წარმოდგენის საფუძვლად აშშ დოლართან მიმართებაში ეროვნული ვალუტის გაცვლითი კურსის მკვეთრ ცვლილებას, შესასყიდი ელექტროენერგიის გაზრდილ ფასსა და ელექტროენერგიის გადაცემის ტარიფის ზრდას ასახელებს.

ამასთან, გუშინ სემეკ-მა "ენერგო პრო ჯორჯიას" მომხმარებლებს ელექტროენერგიის საფასური 3,95 (დღგ-ის ჩათვლით) თეთრით გაუძვირა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე იაკობი - ცხვირს არავის არსად არ ჩავაყოფინებთ! კარგად გაითვალისწინოს ყველამ

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება