„ჩვენ გვაქვს ღია მზაობა ურთიერთობა დავამყაროთ ბიზნესსექტორთან“,-ამის შესახებ ფინანსთა მინისტრის პირველმა მოადგილემ, შემოსავლების სამსახურის უფროსმა გიორგი თაბუაშვილმა საქართველოს  დამსაქმებელთა ასოციაციის წევრებთან ერთად გამართულ შეხვედრაზე განაცხადა, სადაც  ფინანსთა სამინისტროს წარმომადგენლებმა ასოციაციის წევრებთან ერთად სამთავრობო სტრუქტურებთან  და  კერძო სექტორში არსებულ  პრობლემებზე იმსჯელეს. 
როგორც თაბუაშვილმა აღნიშნა,  ბიზნესსექტორთან შეხვედრები სისტემატურ ხასიათს მიიღებს.
„ჩვენ გვაქვს ღია მზაობა ურთიერთობა დავამყაროთ ბიზნესსექტორთან. შეხვედრა, დიალოგი და შეჯერებული გადაწყვეტილების მიღება ფინანსთა სამინისტროსთვის ძალიან მნიშვნელოვანია. ჩვენი ხელისუფლებაში მოსვლის შემდეგ, აქტიურ რეჟიმში დავიწყეთ შეხვედრა და ურთიერთობები ბიზნესსექტორთან, ეს რასაკვირველია  გაგრძელდება“,-განაცხადა გიორგი თაბუაშვილმა. 
ცნობისთვის, შეხვედრაზე ფინანსთა  სამინისტრომ   ინფორმაცია საგადასახადო ადმინისტრირების კუთხით  განხორციელებულ ცვლილებეზე წარმოადგინა, გადამხდელთა მომსახურების გაუმჯობესების მიზნით დაგეგმილ სიახლეებზე და ასევე საგადასახადო კოდექსში განხორციელებულ ცვლილებებზე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის პარლამენტმა „შრომითი მიგრაციის შესახებ" კანონში ცვლილება მიიღო

უცხო ქვეყნის მოქალაქეთათვის საქართველოს ვიზის მიღება გართულდა, პარლამენტმა კანონი მიიღო

ბოჭორიშვილი უარყოფს, რომ მიღებული კანონების გამო პროექტები გაუქმდა ან შეჩერდა

სანქცირებული, პროსახელისუფლებო „იმედის“ იურიდიული სამსახურის უფროსი, კომუნიკაციების კომისიის წევრი გახდა