საკონსტუტუციო სასამართლოში მოსამართლეობის კანდიდატის მანანა კობახიძის განცხადებით, თუ მოსარჩელე დაარწმუნებს იმაში, რომ  კანონი, რომელსაც  თავის დროზე მხარი დაუჭირა,  არღვევს კონსტიტუციის ამა თუ იმ მუხლს, პირველი მოაწერს ხელს ასეთი კანონის არაკონსტიტუციურობას.

"თუ მოსარჩელე დამარწმუნებს იმაში და იქნება შესაბამისი მტკიცებულებები, ფაქტები, არგუმენტები, რომ ის კანონი, რომელსაც მე თავის დროზე მხარი დავუჭირე, არღვევს კონსტიტუციის ამა თუ იმ მუხლს, და არის არაკონსტიტუციური, რა თქმა უნდა პირველ რიგში მე მოვაწერ ასეთი აკნონის არაკონსტიტუციურობას ხელს. მე იმ გამოცდილებიდან გამომდინარე, საიდანაც მოვედი პოლიტიკაში, პოლიტიკაში მოვედი იმიტომ, რომ ყველაზე მთავარი უფლება ირღვეოდა ამ ქვეყანაში, ეს იყო სამართლიანი სასამართლოს უფლება. ვფირობ, იმაზე დიდი პატივი, პასუხისმგებლობა, არაფერია მოგეცეს იურისტს შესაძლებლობა, ემსახურო კონსტიტუციის უზენაესობას ქვეყანაში და იყო კონსტიტუციის მცველი, თუ მოდარაჯე. თუ ეს შესაძლებლობა მე მომეცა, ბუნებრივია მე მაქსიმალური პრინციპულობით სწორედ მიუკერძოებლობით და დამოუკიდებლობით, ყველაზე მაღალი ტესტი განვახორციელო.

ეს არის ჩემთვის გამოწვევა, ძალიან საპასუხისმგებლო გადაწყვეტილება, რომელიც პირველ რიგში მე მივიღე, რომ პოლიტიკა დავტოვო და წავიდე სამართლის სფეროში, და რა თქმა უნდა მადლობა გუნდს იმისთვის, რომ მათ ნდობა გამომიცხადეს, მე არა როგორც პარტიის წევრს, არამედ როგორც იურისტს. ეს ძალიან მნიშვნელოვანია და მადლობა მიბდა ვუთხრა,",-განაცხადა კობახიძემ და დასძინა, რომ მოსამართლედ არჩევისას მხარდაჭერის იმედი აქვს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი