თურქეთმა გერმანიიდან ელჩი გაიწვია, - ამის შესახებ BBC იუწყება.

მედიის ინფორმაციით, ანკარამ აღნიშნული გადაწყვეტილება მას შემდეგ მიიღო, რაც ბუნდესტაგმა რეზოლუციას მხარი დაუჭირა, რომლის თანახმადაც 1915-16 წლებში განვითარებული მოვლენები სომეხთა გენოციდადაა შეფასებული.

როგორც გერმანული გამოცემა Deutsche Welle წერს, დეპუტატებმა რეზოლუცია თურქეთის მხრიდან ძლიერი პოლიტიკური ზეწოლის მიუხედავად მიიღეს.

თურქეთის პრემიერ-მინისტრმა ბინალი ილდირიმმა დღეს განაცხადა, რომ გერმანიის პარლამენტში დაგეგმილი კენჭისყრა ბერლინისა და ანკარას „მეგობრობის ტესტი“ იქნება. მან ასევე მოუწოდა გერმანელ დეპუტატებს, არარაციონალურ გადაწყვეტილებაზე უარი ეთქვათ. ილდირიმის თქმით, ეს გერმანიიის მხრიდან "ისტორიული შეცდომაა".

თურქული მედიის ინფორმაციით, ოფიციალურმა ანკარამ ელჩი კონსულტაციებისთვის გამოიწვია.

ცნობისთვის, 20 ქვეყანამ, მათ შორის საფრანგეთმა, რუსეთმა და ვატიკანმა გენოციდი აღიარა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის საგარეო მინისტრი - ბრიუსელის გადაწყვეტილებით, საქართველოსთან დიალოგი შეჩერდა

ფოტოგრაფი ალექსანდრ შიშკო ბელარუსში საქართველოდან დაბრუნებისას დააკავეს

რეჟიმის აგენტების კანონი, წითელი ჯვრის და საფინანსო ინსტიტუტების გაცემულ გრანტებზე არ იმუშავებს

რადიკალებმა რომლებიც ბოლნისის მერიის თანამშრომლები არიან, ბიჭს აიათოლაზე დაწერილი პოსტის გამოც გაუსწორდნენ