თუ ევროკავშირი საკუთარ ვალდებულებებს არ შეასრულებს, მაშინ ანკარა მიგრანტების მიღების საკითხზე ევროკავშირთან მიღწეულ შეთანხმებას გაწყვეტს, - ამის შესახებ თურქული სააგენტო Hurriyet იტყობინება.

აღნიშნული განცხადება ერდორანმა ანკარაში სამართალდამცველებთან შეხვედრისას გააკეთა.

მისი თქმით, ევროპამ ჯერჯერობით არც ერთი დაპირება არ შეასრულა.

ევროკავშირმა და თურქეთმა მიგრანტებთან დაკავშირებით შეთანხმებას 18 მარტს მიაღწიეს. მიღწეული შეთანხმებით, 20 მარტის შემდეგ ევროპაში კერძოდ კი საბერძნეთში ჩასულ არალეგალ მიგრანტებს თურქეთს გადასცემენ, საპასუხოდ ევროკავშირი მიიღებს სირიის მოქალაქეებს თურქეთში გახსნილი ლტოლვილთა ბანაკებიდან.

აღსანიშნავია, რომ მიგრანტების გადაყვანის და ბანაკებში განთავსების ხარჯებს ევროკავშირი უზრუნველყოფს. ცნობისთვის, ეს შეტანხმება თურქეთს დამატებით 3 მილიარდ ევროს მიიღებს.

რამდენიმე დღის წინ საერთაშორისო უფლებადამცველმა ორგანიზაცია Amnesty International-მა განაცხადა, რომ იანვრის შუა რიცხვებიდან თურქეთმა რამდენიმე ასეულ სირიელ ლტოლვილს სამშობლოში დაბრუნება აიძულა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა