ოკუპირებული აფხაზეთის ე.წ. სახელმწიფო უსაფრთხოების სამსახურში ირწმუნება, რომ ბრიტანელი ჯაშუში გამოავლინეს. მათ მიერ გავრცელებული განცხადების მიხედვით, 26 იანვარს უწყების ოფისში მიიყვანეს დიდი ბრიტანეთის მოქალაქე, კულდიპ სინგჰი. სინგჰს ბრალად ედება "უცხოურ სპეცსამსახურებთან შესაძლო კავშირი".

"აფხაზეთის ტერიტორიაზე საკუთარი კავშირების გამოყენებით ის ამუშავებდა პროექტს, რომელიც საშუალებას მისცემდა, მიეღო მონაცემები აფხაზეთის დასახლებულ პუნქტთა, სამხედრო ობიექტებისა და სხვა ინფრასტრუქტურის განლაგებაზე." - ნათქვამია ე.წ. უსაფრთხოების სამსახურის განცხადებაში.

ე.წ. უსაფრთხოების სამსახურში ამბობენ, რომ სინგჰი ოკუპირებული აფხაზეთის ტერიტორიაზე თბილისის მიერ კონტროლირებული მხრიდან შევიდა.

ოკუპირებული აფხაზეთის მარიონეტული რეჟიმის უწყებამ გაავრცელა სინგჰის დაკითხვის ვიდეოც, რომელშიც ის ამბობს, რომ ლონდონის პოლიციის სადაზვერვო დანაყოფში 13 წელზე მეტი მუშაობდა, თუმცა სამსახური კორუფციის გამო დატოვა. მისივე თქმით, ამის შემდეგ, ის 10 თვის განმავლობაში რუსეთში ცხოვრობდა, შემდეგ კი საქართველოში გადავიდა. 

ბრიტანელის თქმით, აფხაზეთში ის ასწავლიდან ინგლისურს და ფლობდა ბილიარდის ბიზნესს. მისივე თქმით, ოკუპირებულ აფხაზეთში "ლეგალურად ცხოვრების საბუთი" ვერ მიიღო, რადგან მის ბრიტანულ პასპორტს ვადა გაუვიდა.

მარიონეტული რეჟიმის უწყების თქმით, სინგჰი ენგურის ხიდის გავლით გააძევეს. 

ავტორი: ექსპრესნიუსი,

სოციალური ქსელები

ათობით დაჭრილი, კიევი, ხარკოვი, ოდესა და დნიპრო რუსი ოკუპანტების დაბომბვის ქვეშ მოექცნენ

ლენინგრადის გუბერნატორმა განაცხადა, რომ რეგიონი „ფრონტის ხაზად“ იქცა

მადიარმა ორბანის მიერ აშენებული არალიბერალური დემოკრატიის ნგრევა დაიწყო

ივანიშვილის პარლამენტმა „შრომითი მიგრაციის შესახებ" კანონში ცვლილება მიიღო