ყველანაირი ძალადობა მიუღებელია - ამის შესახებ შინაგან საქმეთა მინისტრმა, ვახტანგ გომელაურმა ტელეკომპანია „მთავარი არხის“ გადამღებ ჯგუფსა და ივერი მელაშვილზე მომხდარ თავდასხმასთან დაკავშირებით განაცხადა.

მისი თქმით, დამნაშავეები გამოძიების შედეგებიდან გამომდინარე, შესაბამისად დაისჯებიან.

„პროკურატურამ უნდა იმსჯელოს კვალიფიკაციის შეცვლაზე. გუშინ რაც მოხდა, გამოძიება დავიწყეთ. ერთი შემიძლია ვთქვა, რომ ყველანაირი ძალადობა არის მიუღებელი, მითუმეტეს ჟურნალისტებზე და მოქალაქეებზე. გამოძიებიდან გამომდინარე რაც დადგინდება, დაისჯებიან კანონის მიხედვით. რაც ჰქონდათ ფაქტი, გამოძიება იმის მიხედვით დაიწყეს, ნახავენ კადრებს, დააკვირდებიან, შეიძლება ხუთი მუხლი დაემატოს, შეიძლება არაფერი არ დაემატოს“, - განაცხადა ვახტანგ გომელაურმა.

შეგახსენებთ, რომ გუშინ, 4 მაისს ტელეკომპანია „მთავარი არხის“ გადამღებ ჯგუფსა და ივერი მელაშვილს სასულიერო პირები თავს დაესხნენ. შინაგან საქმეთა სამინისტრომ მომხდარზე გამოძიება სსკ-ის 126-ე მუხლით დაიწყო, რაც ძალადობას გულისხმობს.

ავტორი: ექსპრესნიუსი,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო