თბილისის მერის მიერ წარდგენილი ახალი მოადგილეები თავიანთ მოვალეობებს კარგად ვერ შეასრულებენ, რადგან მერია არაპროფესიონალი ადამიანებით არის დაკომპლექტებული, - ამის შესახებ "ექსპრესნიუსს" თბილისის საკრებულოს ფრაქცია „ნაციონალური მოძრაობა - თბილისის“ თავმჯდომარემ ირაკლი აბესაძემ განუცხადა.

როგორც აბესაძემ აღნიშნა, "ქართული ოცნების" ხელისუფლების პირობებში, თბილისის მერიაში არაკომპეტენტური ადამიანები მუშაობენ.

"რაც ყველაზე მთავარია, მერიაში კორუფციული სქემებით მუშაობენ, ამიტომ ახალი მოადგილეების დანიშნვით არსებითად არაფერი შეიცვლება. ეს არის შიდა გადაადგილება. სამწუხაროდ აღნიშნული ცვლილებები, საზოგადოებისთვის არანაირი დადებითი შედეგების მომტანი არ იქნება", - განაცხადა აბესაძემ.

მისივე განმარტებით, დავით ნარმანიას მიერ  მოადგილეების ხშირი ცვლა, საქმის კეთების სურვილს ან არსებული მდგომარეობის გაუმჯობესებას არ უკავშირდება.

"ეს უკავშირდება თანამდებობების გადანაწილებას, შიდა კონკურენციას "ქართული ოცნების" სხვადასხვა პოლიტიკურ ჯგუფებს შორის და კიდევ ერთხელ ვამბობ, არანაირი კავშირი საქმის კეთების სურვილთან არ არის", - განაცხადა ირაკლი აბესაძემ.

ცნობისთვის, თბილისის მერმა დავით ნარმანიამ საკრებულოს ოთხ ვაკანტურ თანამდებობაზე კანდიდატურები წარუდგინა.

მერის მაოდგილეებად თბილისის მერიის ადმინისტრაციის მოქმედი უფროსი გიგა ნიკოლეიშვილი და იურიდიული სამსახურის უფროსი ნატო ქიტიაშვილი არიან წარდგენილები.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი