2015-04-11 14:41:22, 897 ნახვა
სამართალი
შალვა აბულაძე: ჩემი პირველი და ყველაზე დიდი მტერი მამუკა ხაზარაძე იყო
"ჩემი პირველი და ყველაზე დიდი მტერი მამუკა ხაზარაძე იყო”, - ამის შესახებ ბრალდებულმა შალვა აბულაძემ სასამართლო პროცესზე განაცხადა.
მისივე თქმით, ის "ამ მდგომარეობაში მამუკა ხაზარაძის გამოა".
ბრალდებულმა აღნიშნული განცხადება მას შემდეგ გააკეთა, რაც მისმა ადვოკატმა სასამართლო პროცესზე განაცხადა, რომ სურს, მისი დაცვის ქვეშ მყოფი პატიმრობაში დარჩეს, რადგან თავისუფლების შემთხვევაში საფრთხე ემუქრება.
"ჩემი მეგობრის 19 წლის ორსული საცოლე აწამეს, ჩემს სასტუმროში ლიმონკები შეყარეს. ფაქტები პროკურატურაშია. ვისაც გამარჯობა ვუთხარი ყველას რაღაც დაუშავეს და ვინმეს სჯერა, რომ თავისუფლების შემთხვევაში საფრთხე არ მემუქრება? პატარა ბავშვები ხომ არ ვართ ყველამ ყველაფერი იცის“, - განაცხადა შალვა აბულაძემ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
