საქართველოს პრემიერ-მინისტრის გიორგი კვირიკაშვილის განცხადებით, გონიოში დაკარგული სამხედრო მოსამსახურეების ძებნა გაგრძელდება.

მთავრობის მეთაურის თქმით, ჯარისკაცების ძებნა თურქულმა მხარემ შეაჩერა, რადგან მათ შესაძლებლობები ამოწურეს.

„ჩვენ რა თქმა უნდა, უნდა გავაგრძელოთ ძებნა. მაქსიმალურად გავწიოთ ძალისხმევა, რათა ვიპოვოთ დაღუპული სამხედროები, ეს არის უდიდესი ტრაგედია და ამ ტრაგედიით სპეკულირება არ არის სწორი. დარწმუნებული ვარ, რომ სამხედროებისთვის, რომლებიც იმ მომენტში ერთად იყვნენ, ეს არის კიდე უფრო დიდი ცხოვრების ტრაგედია. ჩემთვის ცნობილია, რომ დასისხლიანებულები ამოვიდნენ, ისინი ცდილობდნენ შველას და ყურის აპკები დახეთქილი ჰქონდათ და სისხლში ამოსვრილები ამოვიდნენ. ეს არის ტრაგედია. რა თქმა უნდა, გამოძიებული უნდა იქნას, ეს ასეა. ვართ განვითარების იმ საფეხურზე, სადაც ბევრი რამე არის ქვეყანაში მოსაწესრიგებელი, მათ შორის ნორმატიული ბაზა სამხედროების წვრთნის კუთხით. მაგრამ ყველაფერი ერთბაშად ვერ მოხდება“, - განაცხადა კვირიკაშვილმა.

პრემიერ-მინისტრმა დაკარგული სამხედრო მოსამსახურეების ოჯახების წევრებს სამძიმარი გამოუცხადა და აღნიშნა, რომ სამხედროების მოსაძენად ყველაფერი გაკეთდება.

„კიდევ ერთხელ ვამბობ, ყველაფერი დამოკიდებულია ტექნიკურ შესაძლებლობებზე. რაც ხელთ გვაქვს ყველაფერს გავაკეთებთ“, - აღნიშნა პრემიერმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი