„ამ ეტაპზე  ახალი დეპარტამენტისთვის პროკურატურაში 2012–2015 წლებში შემოსული და ცალკეული განცხადებების საფუძველზე დაწყებული სისხლის სამართლის საქმეების გადაეცემა მიმდინარეობს“, – ამის შესახებ მთავარმა პროკურორმა გიორგი ბადაშვილმა სასტუმრო „თბილისი მერიოტში“ განაცხადა, სადაც „სამართალწარმოების პროცესში ჩადენილი დანაშაულის გამოძიების დეპარტამენტის“ პრეზენტაცია მიმდინარეობს.

ბადაშვილის მტკიცებით, ხსენებულ განცხადებებში მითითებული ფაქტები დეტალურად იქნება შესწავლილი და გადამოწმებული.

მისივე თქმით, შესწავლილი იქნება ასევე სახელმწიფოს სასარგებლოდ მოქცეული ქონების წარმომავლობის საკითხებიც.

„პროკურატურაში გაწეული მუშაობის შედეგად, მოხდა მთელი ქვეყნის მასშტაბით 2012 წლის 1 ოქტომბრიდან, 2015 წლის პირველ იანვრამდე შემოტანილი განცხადებების შესწავლა– სისტემატიზაცია. ამ ეტაპზე მიმდინარეობს ამ განცხადებების და ცალკეული განცხადებების საფუძველზე უკვე დაწყებული სისხლის სამართლის საქმეების გადაცემა ახალი დეპარტამენტისათვის.  მნიშვნელოვანია ის  გარემოება, რომ გამოძიების მიმდინარეობისას მაქსიმალურად იქნება დაცული სამართლიანობის პრინციპი. დეტალურად იქნება შესწავლილი და გადამოწმებული განცხადებაში მითითებული ფაქტები, მათ შორის სახელმწიფოს სასარგებლოდ მოქცეული ქონების წარმომავლობის საკითხებიც. დაცული იქნება, როგორც განმცხადებლის, ასევე მათ განცხადებებში მხილებული მოქალაქეების უფლებები და კანონიერი ინტერესები“, – აღნიშნა ბადაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი