აშშ-ს სენატის საგარეო ურთიერთობათა კომიტეტის თავმჯდომარემ, ჯიმ რიშმა Independence Avenue Meida-სთვის მიცემულ ინტერვიუში თქვა, რომ აშშ-ში "ქართული ოცნების ერთპარტიული მმართველობის პირობებში, საქართველოს მთავრობის მიერ ძალაუფლების კონსოლიდაცია სერიოზულ შეშფოთებას იწვევს".

"თუ მთავრობა ამ გზით სვლას განაგრძობს, შეერთებულმა შტატებმა ურთიერთობებისადმი საკუთარი მიდგომა შესაბამისად უნდა შეცვალოს. საქართველოს მთავრობის ანტიამერიკული რიტორიკა, სიტყვის თავისუფლებასა და პოლიტიკურ ოპოზიციაზე თავდასხმები, ჩინეთთან და ირანთან დაახლოება, ჩვენი ურთიერთობების მომავლისთვის ცუდი ნიშნებია. იმედი მაქვს [საქართველოს მთავრობა] ამ კურსს შეცვლის" - თქვა მან.

რიშმა ინტერვიუში ასევე აღნიშნა, რომ ის და მისი კოლეგები სენატსა და საგარეო ურთიერთობების კომიტეტში MEGOBARI აქტის მიღებაზე მუშაობას კვლავ აგრძელებენ.

საქართველოსა და უკრაინაში აშშ-ს ახალი ელჩების დანიშვნის სავარაუდო ვადების შესახებ კითხვაზე სენატორმა განაცხადა, რომ ის ამ საკითხზე ადმინისტრაციასთან თანამშრომლობს და შერჩევის რთული პროცესის გათვალისწინებით, ელჩები რაც შეიძლება მალე დაინიშნებიან.

ავტორი: ექსპრესნიუსი,

სოციალური ქსელები

აშშ-მ რუსულ ნავთობზე დაწესებული სანქციები კიდევ ერთი თვით შეამსუბუქა, მიუხედავად იმისა, რომ თქვა სანქციებს არ შეამსუბუქებდა

ანაპას მახლობლად, შავ ზღვაში ნავთობის დაღვრას „ჩრდილოვან“ ტანკერზე დრონის თავდასხმას უკავშირებენ

ირანმა კომერციული გემებისთვის ჰორმუზის სრუტის გახსნის შესახებ განაცხადა

კობახიძემ თქვა, რომ 2028 წლის არჩევნებს მოიგებს, მას შემდეგ რაც პარტიებს აკრძალავს