რუსეთის თავდაცვის სამინისტროს მტკიცებით, რუსული მხარე 3-დღიანი ცეცხლის შეწყვეტის რეჟიმს მკაცრად იცავს.

"რუსეთის არმიის ყველა ქვედანაყოფმა 8 მაისის ღამეს სრულიად შეწყვიტა საბრძოლო მოქმედებები და აქამდე დაკავებულ პოზიციებზე გაჩერდა". – წერია უწყების განცხადებაში.

გარდა ამისა, რუსეთის თავდაცვის სამინისტრო უკრაინის შეიარაღებულ ძალებს კურსკისა და ოკუპირებული დონეცკის ტერიტორიაზე იერიშის მცდელობაში ადანაშაულებს:

"ბოლო მონაცემებით, სასაზღვრო რეგიონებში სულ დაფიქსირებულია ცეცხლის შეწყვეტის შეთანხმების დარღვევის 488 შემთხვევა". 

28 აპრილს ვლადიმირ პუტინმა 9 მაისთან დაკავშირებით, 3-დღიანი ცეცხლის შეწყვეტა გამოაცხადა, რომელიც 8 მაისს 00:00 საათზე დაიწყო და 11 მაისს დასრულდება.

"ცეცხლის შეწყვეტის" ფონზე რუსეთმა 8 მაისს, დაახლოებით 3:00 საათზე სუმის რეგიონი დაბომბა.

8 მაისის დაბომბვას გამოეხმაურა უკრაინის პრეზიდენტი ვოლოდიმირ ზელენსკი:

"ხვალ (9 მაისს), ნაცისტების მხეცობებზე ილაპარაკებს ადამიანი, რომელიც ბუჩაში ძმათა სასაფლაოს მოწყობის ორგანიზატორია. და ლენინგრადს ბლოკადაზეც იქ ისაუბრებენ ისინი, ვინც მარიუპოლის ბლოკადა მოაწყო. ან რუსეთი უნდა შეიცვალოს რადიკალურად, ან სამყაროს მოუწევს შეცვლა. ზუსტად ისე, როგორც ეს მოხდა 80 წლის წინ: ბოროტების დამშვიდება შეუძლებელია, მას უნდა ებრძოლო". 

ავტორი: ექსპრესნიუსი,

სოციალური ქსელები

მეუფე იაკობი - ცხვირს არავის არსად არ ჩავაყოფინებთ! კარგად გაითვალისწინოს ყველამ

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება