ფრანგულ სატირულ ჟურნალ „Charlie Hebdo“-ს რედაქციაზე თავდასხმისას, მისი მთავარი რედაქტორი სტეფან შარბონიე დაიღუპა.

„დეილი ტელეგრაფის“ ინფორმაციით, შარბონიე მოჰამედ წინასწარმეტყველის კარიკატურების პუბლიკაციისთვის „ალ ქაიდას“ შავ სიაში იყო.

ჟურნალზე თავდასხმა დილის თათბირის დროს მოხდა, როდესაც რედაქციაში ყველა ჟურნალისტი და კარიკატურისტი იმყოფებოდა.

აღსანიშნავია ისიც, რომ ჟურნალის ოფიციალური „ტვიტერის“ აქაუნთში, თავდასხმამდე ერთი საათით ადრე, ისლამური სახელმწიფოს ლიდერის აბუ ბაქრ ალ-ბაღდადის კარიკატურა გამოქვეყნდა.

ტერაქტის შემდეგ თავდამსხმელები ყვირილით - „ალაჰ აქბარ“ და „წინასწარმეტყველისთვის შური ვიძიეთ“ გარბოდნენ.

პარიზში უსაფრთხოების ზომები მაქსიმალურად გამკაცრებულია.

მთავრობამ დამატებითი დაცვა ყველა მედიასაშუალების ოფისს, კულტურულ ძეგლებს, სამთავრობო დაწესებულებებს, ტურისტულ ღირსშესანიშნაობებს და მსხვილ მაღაზიებს გამოუყო.

განსაკუთრებულ კონტროლზეა აყვანილი ასევე მასობრივი თავშეყრის ადგილები.

შეგახსენებთ, პარიზში ჟურნალ „Charlie Hebdo“-ს რედაქციის თავდასხმას 12 ადამიანის სიცოცხლე ემსხვერპლა, ხოლო 10 დაშავებულია. ადგილობრივი პოლიციის ინფორმაციით, 4 მათგანის მდგომარეობა კრიტიკულია.

არსებული ინფორმაციით, რედაქციას თავს ორი ნიღბიანი ადამიანი ავტომატებით  დაესხა და იქ მომუშავე პერსონალს ცეცხლი გაუხსნა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს