აშშ-ის პრეზიდენტი დონალდ ტრამპი ეჭვქვეშ აყენებს ირანთან სამშვიდობო მოლაპარაკებების პერსპექტივას და ამბობს, რომ შესაძლოა, აღარ ეცადოს ირანთან სამშვიდობო შეთანხმების მიღწევას.

ეს განცხადება დონალდ ტრამპმა მინისტრთან კაბინეტის სხდომის დაწყებადე ჟურნალისტებთან საუბრისას გააკეთა და დასძინა, რომ ირანის ლიდერებზეა დამოკიდებული, დაარწმუნონ ის ომის შეჩერებაში.

"ისინი გვთხოვენ შეთანხმებაზე მუშაობას, არ ვიცი, შევძლებთ თუ არა ამას. არც ის ვიცი, მზად ვართ თუ არა ამისთვის", - თქვა დონალდ ტრამპმა.

შეხვედრის დაწყებამდე პრეზიდენტმა ასევე გააკრიტიკა ცნობები, თითქოს ის დიპლომატიური გადაწყვეტისკენ იყო მიდრეკილი და აღნიშნა, რომ "მოლაპარაკებების განახლების ინიციატივა სწორედ ირანის ლიდერებისგან მოდის".

"ახლა მათ აქვთ შანსი შეთანხმების დასადებად, მაგრამ ეს მათზეა დამოკიდებული. ვნახოთ, შევძლებთ თუ არა სწორი შეთანხმების მიღწევას, თუმცა, შეთანხმების მიღწევა, შესაძლოა, უკვე დაგვიანებულია, რადგან ეს ოთხი კვირის წინ უნდა გაეკეთებინათ ირანელებს.", - აღნიშნა დონალდ ტრამპმა.

დონალდ ტრამპმა ასევე აღნიშნა, რომ პასუხისმგებლობა ირანზეა, რათა მოლაპარაკებების მაგიდასთან დაბრუნდნენ და კონფლიქტი დაასრულონ.

"ვნახოთ, სურთ თუ არა ამის გაკეთება. [...] მანამდე კი, ჩვენ უბრალოდ განვაგრძობთ მათ განადგურებას, შეუფერხებლად", - თქვა აშშ-ის პრეზიდენტმა. 

ავტორი: ექსპრესნიუსი,

სოციალური ქსელები

ირანმა გადაწყვიტა, რომ აშშ-სთან ორკვირიანი ცეცხლის შეწყვეტის ფარგლებში ჰორმუზის სრუტეში გადასასვლელად გადასახადი დააწესოს

ტრამპმა ირანთან ომში ორკვირიანი ცეცხლის შეწყვეტა გამოაცხადა. თეირანმა შეერთებულ შტატებზე „დიდი გამარჯვება“ გამოაცხადა.

დიდი ბრიტანეთი ტრამპს აუკრძალავს მისი ბაზების გამოყენებას ირანის ხიდებსა და ელექტროსადგურებზე თავდასხმებისთვის

სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს