ასაფეთქებელი მოწყობილობის საშუალებით ადამიანს რიგითი მოქალაქე ვერ მოკლავდა,-ამის შესახებ მთავარი პროკურორის მოადგილე ირაკლი შოთაძემ იური ვაზაგაშვილის ტრაგიკულად დაღუპვის ფაქტთან დაკავშირებით, "ქრონიკასთან" საუბრისას განაცხადა.

მისივე თქმით, პროკურატურისთვის მნიშვნელობა არ აქვს, დანაშაული ვინ ჩაიდინა. შოთაძე გარანტიას იძლევა, რომ ნებისმიერი პირი, რომლის დანაშაულებრივი ქმედებაც დადასტურდება, უმკაცრესად დაისჯება.

"როდესაც საუბარია ასაფეთქებელი მოწყობილობის საშუალებით ადამიანის მკვლელობაზე, რა თქმა უნდა, ამას რიგითი ადამიანი და ჩვეულებრივი მოქალაქე ვერ შეასრულებდა. ერთადერთი ის შემიძლია განვაცხადო,  რომ არ აქვს პროკურატურისთვის მნიშვნელობა, თუ ვინ შეიძლება ყოფილიყო ის ადამიანი, ვინც მსგავსი ქმედება ჩაიდინა. არ აქვს მნიშვნელობა  ყოფილი,  თუ მოქმედი თანამდებობის პირია.ნებისმიერი პირი, რომლის დანაშაულებრივი ქმედებაც აღნიშნულ ფაქტში დადგინდება, დაისჯება უმკაცრესად.  ამის გარანტიას საზოგადოებას ვაძლევ",-განაცხადა ირაკლი შოთაძემ.

კითხვაზე-რატომ არ დაკითხულა ამ დრომდე ზურა ვაზაგაშვილის საქმეზე   ირაკლი ფირცხალავა, შოთაძემ განაცხადა, რომ  გამოძიებას  თავისი ტაქტიკა აქვს  და როცა ის იმ ეტაპამდე მივა, აუცილებლად დაიკითხება.

შეგახსენებთ, კასპის რაიონის სოფელ ყარაფილაში იური ვაზაგაშვილი შვილის, ზურაბ ვაზაგაშვილის, საფლავზე გარდაცვლილი იპოვეს. წინასწარი ინფორმაციით, ის ააფეთქეს. ფაქტთან დაკავშირებით, აქტიური საგამოძიებო მოქმედებები მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პლასტმასის ბოთლებში სასმლის წარმოების იმპორტისა და ბაზარზე განთავსების რეგულაციის ამოქმედება 4 წლით გადავადდა

ირანმა გადაწყვიტა, რომ აშშ-სთან ორკვირიანი ცეცხლის შეწყვეტის ფარგლებში ჰორმუზის სრუტეში გადასასვლელად გადასახადი დააწესოს

ტრამპმა ირანთან ომში ორკვირიანი ცეცხლის შეწყვეტა გამოაცხადა. თეირანმა შეერთებულ შტატებზე „დიდი გამარჯვება“ გამოაცხადა.

დიდი ბრიტანეთი ტრამპს აუკრძალავს მისი ბაზების გამოყენებას ირანის ხიდებსა და ელექტროსადგურებზე თავდასხმებისთვის