აჭარის მთავრობის თავმჯდომარემ ზურაბ პატარაძემ აჭარის ფინანსთა და ეკონომიკის მინისტრთან რამაზ ბოლქვაძესთან და ბათუმის ბულვარის დირექტორთან ეთერ მაჭუტაძესთან ერთად ახალი ბულვარის მთლიან პერიმეტრზე მიმდინარე სამუშაოები დაათავლიერა და არსებულ მდგომარეობას გაეცნო.

აჭარის მთავრობის ადმინისტრაციის პრესსამსახურის ინფორმაციით, ამ ეტაპზე ახალ ბულვარში სამუშაოები რამდენიმე მიმართულებით მიმდინარეობს: ხე-მცენარეებისა და მწვანე ნარგავების გასხვლა-გაცელვის, ნიადაგის გაფხვიერების, გაკრეჭა-დაბარვის, ფილაქნების სარეველებისაგან გაწმენდითი სამუშაოები. პარალელურად ახალ ბულვარში მიმდინარეობს დაზიანებული ფილების აღდგენა. აღნიშნული სამუშაოები მიმდინარე წლის თებერვლის ბოლომდე დასრულდება.

"ერთი კვირაა რაც ბულვარს ჰყავს ახალი ხელმძღვანელი. ბულვარის ტერიტორიას უკვე დაეტყო მისი ხელი. როგორც ხედავთ უამრავი ინფრასტრუქტურული პროექტი მიმდინარეობს. მადლობა მინდა გადავუხადო ქალბატონ ეთერს. დღეს მეც მომეცა საშუალება პირადად დამერგო რამოდენიმე ხის ნერგი. ვფიქრობ ყველა ბათუმელი ჩაერთვება ამ სასიკეთო პროცესში, თითოეულმა ჩვენგანმა უნდა მოუაროს ბულვარს და მაქსიმუმი გავაკეთოთ. უკვე არსებობს ახალი ბულვარის განვითარების რამდენიმე საინვესტიციო პროექტი. ხაზგასმით მინდა აღვნიშნო, რომ არცერთი პროექტი არ დაიწყება მოსახლეობასთან, ბათუმელებთან შეთანხმების გარეშე", - განაცხადა მთავრობის თავმჯდომარემ.

ზურაბ პატარაძემ და რამაზ ბოლქვაძემ მარადმწვანე მაგნოლიისა და მუხის ხის ნერგების დარგვაში მიიღეს მონაწილეობა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა