2016-12-28 13:49:10, 1504 ნახვა

---

ხოშტარია: იმედია, ჩვენი კოლეგები და სააკაშვილი გაიაზრებენ, რამხელა ზიანს აყენებენ პარტიას და ქვეყანას

„იმედს ვიტოვებ, რომ ჩვენი კოლეგები და პირველ რიგში მიხელ სააკაშვილი გაიაზრებენ, თუ რამხელა ზიანს აყენებენ არამხოლოდ პარტიას, არამედ ქვეყანას“, - ამის შესახებ „ერთიანი ნაციონალური მოძრაობის“ წევრმა ელენე ხოშტარიამ ჟურნალისტებს განუცხადა.

როგორც ხოშტარიამ აღნიშნა, სააკაშვილის მხრიდან პროცესების ამგვარი განვითარება, პარტიის დაშლის შესაძლებლობას აღრმავებს,

“გამოაცხადეს რაღაც კომისია, რომელიც გადაწყვეტილებებს თვითნებურად იღებს. ამ ზღვრამდე პროცესის მიყვანა ნამდვილად სერიოზულ საფრთხეს უქმნის პარტიის ერთიანობას და მე იმედს ვიტოვებ, რომ ჩვენი კოლეგები და პირველ რიგში მიხელ სააკაშვილი გაიაზრებენ, თუ რამხელა ზიანს აყენებენ არამხოლოდ პარტიას, არამედ ქვეყანას და დაბრუნდებიან ცივილიზებულ ჩარჩოში. აქ არ არის საუბარი იმაზე, რომ განსხვავებული აზრია პრობლემა, მაგრამ წესების უგულებელყოფა და თანაგუნდელების შეურაცხყოფა, ეს არის პროცესი, რომელიც ზიანს აყენებს პარტიას. პროცესების ასე განვითარება, რომელიც სააკაშვილის მხრიდან ხდება, პარტიის დაშლის შესაძლებლობას აღრმავებს“, - აღნიშნა ხოშტარიამ.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი