"რომპეტროლის" 2 ბენზინგასამართი სადგურის დაყაჩაღების შედეგად ბოროტმოქმედებმა კომპანიას სერიოზული ფინანსური ზარალი ვერ მიაყენეს.

11 ბენზინგასამართ და გაზგასამართ სადგურზე, ასევე სავალუტო ჯიხურებში ბოროტმოქმედების შეჭრისა და დაყაჩაღების შამთხვევა 7-8 მარტს თბილისში დაფიქსირდა. მათ შორის დაყაჩაღებულია "რომპეტროლის" 2  ბენზინგასამართი  სადგური. 

როგორც  "რომპეტროლში"  აცხადებენ,  ბოროტმოქმედებმა ვერ მოახერხეს კომპანიისათვის სოლიდური ფინანსური ზარალის მიყენება, მათ სპეციალური საგანგაშო სისტემის ამოქმედებამდე 200-300 ლარის წაღება მოასწრეს. 

„ჩვენი სადგურები აღჭურვილია სპეციალური დაცვის სისტემებითა და კამერებით. ვთანამშრომლობთ გამოძიებასთან და გადავეცით მასალები. ყაჩაღობის შედეგად წაღებულია უმნიშვნელო თანხა. დიდი მადლობა სამართალდამცავებს, რომლებმაც ოპერატიულად იმოქმედეს და ცხელ კვალზე დააკავეს დამნაშავეები“, - აცხადებენ "რომპეტროლში".

"რომპეტროლის" ერთ-ერთი სადგურის დაყაჩაღების მცდელობა ბოროტმოქმედებს ცოტა ხნის წინაც ჰქონდათ. მაშინ რომპეტროლის თანამშრომლებმა მათ ფიზიკური წინააღმდეგობა გაუწიეს. კომპანიის მენეჯმენტმა მამაცი თანამშრომლები ფულადი პრემიებითა და საპატიო სიგელებით  დააჯილდოვა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

NASA-ს ასტრონავტები დედამიწაზე 50 წელზე მეტი ხნის შემდეგ მთვარის ზედაპირზე პირველი დაშვების შემდეგ დაბრუნდნენ

უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა