რუსეთის საგარეო საქმეთა სამინისტროს სპიკერს, მარია ზახაროვას სთხოვეს კომენტარი გაეკეთებინა სომხეთის მიერ რუსეთის ჰიბრიდული ომის მეთოდების გამოყენებაში დადანაშაულებასთან დაკავშირებით. ზახაროვას მტკიცებით, მსგავსი მეთოდები რუსეთისთვის უცხოა და ჰიბრიდულ ომს თავად "კოლექტიური დასავლეთი" აწარმოებს "სომხეთის მეზობელ საქართველოში".

"შეგახსენებთ, რომ "ჰიბრიდული ომის" კონცეპტი ამერიკელმა სამხედრო თეორეტიკოსებმა გამოიგონეს და პირდაპირ დაიწყეს მისი აქტიური გამოყენება. მცირე ხნის წინ სომხეთის მეზობელ საქართველოში "კოლექტიური დასავლეთის" ქვეყნებმა ხელახლა გამოავლინეს თავი მთელი "ჰიბრიდული სილამაზით": უხეშად ჩაერივნენ შიდაპოლიტიკურ პროცესში, აღვივებდნენ "მაიდანისეულ" განწყობებს, უარყოფდნენ თბილისის განვითარების გზის არჩევის თავისუფლებას, დაკავებული იყვნენ ღია პოლიტიკური შანტაჟით, ემუქრებოდნენ ისედაც ილუზიური ევროპერსპექტივის ჩამორთმევით.

ჩვენთვის მსგავსი მიდგომა უცხოა. ყოველთვის პატივს ვცემდით და პატივს ვცემთ ნებისმიერი ერის სუვერენულ არჩევანს. ამასთანავე, არ შემიძლია არ აღვნიშნო, რომ განცხადებები "ჰიბრიდულ ომზე" სომხეთის წინააღმდეგ ისმის იმ ფონზე, როცა [სომხეთის] რესპუბლიკაში მიმდინარეობს გამოძიებები ჩვენს ქვეყანასთან კავშირების განვითარების მხარდამჭერთა მიმართ, თითქოს ბოლო წლებში სხვა ქვეყნებში, მაგალითად მოლდოვაში, დამუშავებული სქემის მიხედვით." - თქვა ზახაროვამ.

ავტორი: ექსპრესნიუსი,

სოციალური ქსელები

აშშ-მ ამერიკული ხელოვნური ინტელექტის კოპირებისთვის ჩინეთისა და რუსეთის წინააღმდეგ სანქციების დაწესების განხილვა დაიწყო

აშშ-მ ირანისა და ირანის მხარდამჭერი გემების დევნა დაიწყო

ოცნება მცირე მეღვინეობებისთვის წესებს შეცვლის და ხარისხის კონტროლს გაამკაცრებს

პაპუაშვილი აბასთუმნის ცის დაკეტვაზე - რადიკალური ოპოზიცია ცდილობს, არ დაუშვან სამეცნიერო პოტენციალის ათვისება