უკრაინის პრეზიდენტის მრჩეველმა, მიხაილო პოდოლიაკმა, განაცხადა, რომ რუსეთის ფედერაციის სამხედრო და ეკონომიკური ძალა შეიძლება 8 თვის განმავლობაში კრიტიკულ ნიშნულამდე დაეცეს, თუ უკრაინა მნიშვნელოვნად გაზრდის შეტევებს და საერთაშორისო ზეწოლა კიდევ უფრო გაძლიერდება.

„ასეთ შემთხვევაში, 2025 წლის ბოლომდე სრულიად ახალ რეალობას დავინახავთ. რუსეთის არმიამ, რომელიც უკვე დაკარგული რესურსების 50%-ს უახლოვდება, ვერ შეძლებს ფრონტზე ეფექტიანი იერიშების წარმოებას. მათი ჯავშანტექნიკისა და არტილერიის რესურსები კრიტიკულ ნიშნულამდე შემცირდება, რაც მათ თავდასხმითი პოტენციალის სრულ გაქრობას გამოიწვევს,“ – აღნიშნა პოდოლიაკმა.

მრჩევლის თქმით, თუ საბრძოლო დანაკარგების მიმდინარე ტემპი წლის ბოლომდე შენარჩუნდება, რუსეთის არმია იძულებული გახდება ტოტალურად ჩასანგრდეს ფრონტის მთელ ხაზზე.

„რუსეთის მიერ წარმოებული სამხედრო ტექნიკის მოცულობა 5-6-ჯერ ჩამორჩება მათ ყოველთვიურ დანაკარგებს. ეს ნიშნავს, რომ ოკუპანტებს ვერ ექნებათ საშუალება, განახორციელონ ეფექტური შეტევები ფრონტის არც ერთ მიმართულებაზე. მათი „სახორცე შტურმები“ აზრს დაკარგავს, რადგან შეტევების განხორციელება ჯავშანტექნიკის მხარდაჭერის გარეშე შეუძლებელი გახდება,“ – განაცხადა პოდოლიაკმა.

მრჩეველმა ასევე აღნიშნა, რომ დასავლეთის მხრიდან რუსული არმიის გადარჩენის მცდელობები მხოლოდ კრემლის ინტერესებს ემსახურება და უკრაინის ინტერესების დაცვას არანაირად არ უკავშირდება.

„დასავლეთისთვის ახლა მთავარი უნდა იყოს უკრაინის გადარჩენა და არა კრემლისთვის შეტევითი პოტენციალის შენარჩუნება,“ – განაცხადა მიხაილო პოდოლიაკმა.

ავტორი: ექსპრესნიუსი,

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი