ზუგდიდის სოციალური სახლების კომისიამ 2016 წელს მუშაობა განაახლა

2016-03-02 16:29:33, 756 ნახვა

რეგიონი

უსახლკარო და მძიმე საცხოვრებელი პირობების მქონე პირთა საცხოვრებელი ფართით უზრუნველყოფის კომისიამ 2016 წელს პირველი სხდომა დღეს ჩაატარა.

ზუგდიდის გამგებლის ედიშერ თოლორაის განცხადებით, ამ ეტაპზე 20 სახლის მშენებლობის მზაობა არსებობს.
„არაფერია იმაზე დიდი სიხარული, როდესაც ბავშვის თვალებში ბედნიერებას ამოიკითხავ და ასეთ თვალებს ჩვენ შევხვდით ახალ წელს, როცა ჩვენმა ბენეფიციარებმა ახალი წელი ახალ სახლებში იზეიმეს. ვითარება იმაზე მძიმე აღმოჩნდა, რასაც ველოდით, ადგილებზე ვნახეთ უკიდურესად მძიმე მდგომარეობა. ჩამონგრეული სახურავი, ჩამოშლილი კედლები და გაუმართავი იატაკი.
დიდი ბედნიერებაა მოქალაქეებს შეუქმნა საკუთარი თავშესაფარი, კეთილმოწყობილი თბილი კერა და ადაპტირებული გარემო. ჩვენ შარშან 16 ოჯახი გავახარეთ და წელს ვაპირებთ მათი რაოდენობა გავასამმაგოთ და 50–დან 70 სახლი ავაშენოთ. ამ ეტაპზე 20 სახლის მშენებლობის მზაობა არსებობს. ვაწარმოებ მოლაპარაკებებს მეგობარ კომპანიებთან, რომლებიც დაფინანსებას შეგვპირდნენ. გავზრდით სახლის ფართობს და თითოეული კომპონენტი იქნება უკეთ შეჯერებული და შესწავლილი, უფრო დახვეწილი“. – აღნიშნა თოლორაიამ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან