აჭარის ჯანდაცვის სამინისტრო თვალის ბადურის მძიმე დაავადებების მკურნალობის პროგრამის მოსარგებლეთა არეალს აფართოებს

2023-06-09 11:29:11, 1130 ნახვა

რეგიონი

სამინისტრომ თვალის ბადურის მძიმე დაავადებების მკურნალობის დაფინანსება ახალი თაობის ძვირადღირებული ანტიანგიოგენური მედიკამენტებით მიმდინარე წელს დაიწყო. პროგრამის ბენეფიციარებს წარმოადგენდნენ სხვადასხვა სოციალური კატეგორიის მოქალაქეები. აღნიშნულის შესახებ ინფორმაციას აჭარის ჯანდაცვის სამინისტრო ავრცელებს.

მათი ცნობით, მიმდინარე წლის ივლისიდან პროგრამით სარგებლობა შეზღუდული შესაძლებლობის სტატუსის და 200 000 -მდე სარეიტონგო ქულის მქონე სოციალურად დაუცველ ყველა მოქალაქეს შეეძლება.

“სპეციალისტების რეკომენდაციითა და უმაღლესი საბჭოს ჯანდაცვის კომიტეტის მხარდაჭერით, მიმდინარე წელს აჭარის ჯანდაცვის სამინისტრომ დაიწყო თვალის ბადურის ძვირადღირებული, მაღალფექტური ანგიოგენეზური მოქმედების პრეპარატების დაფინანსება. პროგრამა საპილოტე რეჟიმში ხორციელდებოდა, შასაბამისად გათვალისწინებული იყო ვიწრო სოციალურ ჯგუფებზე. პაციენტების მომართვიანობის და მედიკამენტის მაღალეფექტურობის გათვალისიწინებით, მივიღეთ მოსარგებლეთა არეალის გაფართოების გადაწყვეტილება“, - აღნიშნა მინისტრის პირველმა მოადგილემ, მარი ზანაქიძემ.

"აჭარის ჯანდაცვის სამინისტროს პროგრამაში იანვრის თვეში ჩავერთე, სამინისტროს დაფინასებით შევძელი ძვირადღიებული მედიკამენტით სარგებლობა. პროგრამაში ჩართვიდან პირველივე პროცედურის შემდეგ, მხედველობა აღმიდგა, უკვე დამოუკიდებლად გადავადგილდები“, - განაცხადა პროგრამის მოასარგებლე, შუშანა სურმანიძემ.

“თვალის ბადურის მძიმე დაავადებების მკურნალობა ახალი თაობის ძვირადღირებული ანტიანგიოგენური მედიკამენტებით” პროგრამის მიზანია თანამედროვე სერვისებზე პაციენტების ხელმისაწვდომობის გაზრდა, რაც უზრუნველყოფს შეზღუდული შესაძლებლობის სტატუსის განვითარების რისკის შემცირებას, მხედველობის აღდგენას და შრომისუნარიანობის შენარჩუნებას.

აღნიშნული პროგრამის ფარგლებში, პაციენტებს მედიკამენტების ღირებულება უფინანსდებათ სრულად.