ხარკოვის ოლქში უკრაინის შეიარაღებულმა ძალებმა კონტრშეტევის შედეგად რამდენიმე დასახლება – ლებიაჟიე, ბაზალიევკა და კუტუზოვკას ნაწილი – ოკუპანტებისგან გაათავისუფლეს. ინფორმაციას ხარკოვის რეგიონული ადმინისტრაციის თავმჯდომარე, ოლეგ სინეგუბოვი ავრცელებს.

მისივე ცნობით, უკრაინის შეიარაღებული ძალები ასევე გადავიდნენ უფრო აღმოსავლეთით, სოფელ მალაია როგანთან.

"ხარკოვის ოლქში ჩვენი დამცველები რამდენიმე წარმატებულ ოპერაციას ატარებენ, რის შედეგადაც ოკუპანტებს რეგიონის ცენტრიდან აშორებენ". – წერს ოლეგ სინეგუბოვი.

რუსეთმა ხარკოვის ცენტრალური ნაწილი დაბომბა, რის შედეგადაც არიან დაღუპულები და დაჭრილები. რეგიონული სამხედრო ადმინისტრაციის ჯანდაცვის დეპარტამენტის დირექტორის მაქსიმ ხაუსტოვის განცხადებით, 15:00 საათისთვის [თბილისის დროით 16:00] 5 გარდაცვლილისა და 13 დაშავებულის შესახებ ჰქონდათ ცნობები.

ამასთან, დაზიანებულია საცხოვრებელი სახლები და ადმინისტრაციული შენობები. დაბომბილ ტერიტორიებზე ამჟამად მაშველები მუშაობენ.

ავტორი: ექსპრესნიუსი,

სოციალური ქსელები

სააკაშვილი: ივანიშვილს და ოცნებას მამა გარდაეცვალა ორბანის სახით

პოპის ვარსკვლავი ბრიტნი სპირსი ალკოჰოლიზმთან საბრძოლველად რეაბილიტაციის ცენტრში დაწვა

ძლიერი საქართველო: ვულოცავთ მადიარს, უმთავრესი გაკვეთილი ცხადია, ბრძოლა ბოიკოტის მაგიერ

აღდგომის დღეს მცხეთაში 53 წლის კაცი მოკლეს