ფონიჭალაში სპეცოპერაციისას ცენტრალური კრიმინალური პოლიციის ორი თანამშრომელი დაჭრეს.

როგორც "ექსპრესნიუსს“ შსს-ში განუცხადეს, ცენტრალური კრიმინალური პოლიციის თანამშრომლები ფონიჭალაში ნარკოდანაშაულის გამოვლენის მიზნით ოპერატიულ ღონისძიებას ატარებდნენ, რა დროსაც მათი ცივი იარაღით დაჭრა მოხდა.

შსს-ს ინფორმაციით, პირი, რომელმაც პოლიციელებს სხეულის დაზიანებები მიაყენა, ადგილიდან მიიმალა.

ერთი პოლიციელი უკვე გაეწერა საავადმყოფოდან, მეორეს კი ქირურგიული ოპერაცია ჩაუტარდა და მკურნალობას ამ დრომდე განაგრძობს. როგორც შსს-ში აცხადებენ, ამ წუთებში დამნაშავის დასაკავებლად სამძებრო ღონისძიებები მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მადიარმა ორბანის მიერ აშენებული არალიბერალური დემოკრატიის ნგრევა დაიწყო

ივანიშვილის პარლამენტმა „შრომითი მიგრაციის შესახებ" კანონში ცვლილება მიიღო

უცხო ქვეყნის მოქალაქეთათვის საქართველოს ვიზის მიღება გართულდა, პარლამენტმა კანონი მიიღო

ბოჭორიშვილი უარყოფს, რომ მიღებული კანონების გამო პროექტები გაუქმდა ან შეჩერდა